Uza Kwenza Ntoni Ngobomi Bakho?
1 Maxa wambi abantwana badla ngokubuzwa lo mbuzo, “Ufuna ukuba yintoni xa umdala?” Ukuba ubuseyinkwenkwana, ngaba ubuya kuthi ufuna ukuba ngugqirha? umcimi-mlilo? umveleli wesiphaluka? Okanye ukuba ubuyintwazana, ngaba ubuya kuthi ufuna ukuba ngumdanisi ophum’ izandla? umongikazi? umvangeli wasemazweni? Njengoko sele ukhulile, umele uzibuze omnye umbuzo, ‘Ndiza kwenza ntoni ngobomi bam?’ Ngaba ukulungele ukwenza isigqibo?
2 Ngelokukunceda wenze esona sigqibo sisemagqabini, intlangano kaYehova ivelise iDVD enomxholo othi Young People Ask—What Will I Do With My Life? Sicela uyibukele, uze ucingisise nzulu ngayo, kuquka umdlalo, udliwano-ndlebe nenye inkcazelo eyongezelelekileyo ekuyo. Iziqulatho zichazwe kwibhokisi ethi “Main Menu.”
3 Umdlalo: Njengoko ubukele lo mdlalo, cinga ngale mibuzo: (1) Ufana ngantoni uTimoti, ekuthethwe ngaye kwiZibhalo ZamaKristu ZesiGrike, noAndre? (IZe 16:1; 1 Tim. 4:8; 2 Tim. 1:5) (2) UAndre waba phantsi kwayiphi ingcinezelo yaye ngubani owayefuna ukuba abe yimbaleki ephuma phambili? (3) Ngoobani ababa nempembelelo entle kuTimoti nakuAndre, yaye oko bakwenza ngaziphi iindlela? (2 Tim. 1:1-4; 3:14, 15) (4) Isiluleko esikuMateyu 6:24 nakweyabaseFilipi 3:8 samchaphazela njani uAndre, yaye wena sikuchaphazela njani?
4 Imiboniso Ekhethiweyo: Emva kokuba uwubukele wonke lo mdlalo, phinda udlale le miboniso ilandelayo, uze uphendule imibuzo elungiselelwe yona. “Paul and Timothy”: Sisiphi isiluleko sokugqibela uPawulos awasinika uTimoti? (2 Tim. 4:5) “Giving Jehovah Your Best”: Unaluphi usukelo lokomoya? “Taking a Stand for Jehovah”: Lufumaneka entwenini ulonwabo lokwenene? “Grandmother’s Advice”: Yintoni ephosakeleyo ngokufuna ukuba yintshatsheli kwihlabathi likaSathana? (Mat. 4:9) “No Regrets”: Yintoni enokukunceda ufumane ulwaneliseko ebomini?—IMize. 10:22.
5 Udliwano-ndlebe: Njengoko ubukele ezi nxalenye zilandelayo, yintoni oyibonayo enokukunceda unike uYehova okona kulungileyo? (1) “Dedication to Vain Pursuits or to God?” (1 Yoh. 2:17) (2) “Learning to Enjoy Your Ministry.” (INdu. 27:14) nethi (3) “An Open Door to Service.”—Mat. 6:33.
6 Xa Ukhangela Emva: Ngaba unokuphendula? (1) Omnye umzalwana nodade babefuna yiphi imisebenzi yaye ngoba? (2) Baphumelele kangakanani? (3) Yintoni eyatshintsha ubomi bakhe ngamnye wabo? (2 Kor. 5:15) (4) Yiyiphi imisebenzi yokomoya eyathabathel’ indawo leyo babeyenza ngaphambili, yaye kutheni bavakalelwa kukuba abanakuyenza yomibini? (5) Ngaba bayazisola ngokuba beye batshintsha usukelo lwabo ebomini? (6) Yintoni abayithethayo eye ngokukhethekileyo yakwenza wacinga ngoko ufanele ukwenze ngobomi bakho?
7 Udliwano-ndlebe Olongezelelekileyo: Kolu dliwano-ndlebe, yintoni oye wayifunda ofuna ukuyisebenzisa ngokupheleleyo kwinkonzo kaYehova? (1) “The Value of Personal Study,” (2) “Alternative Witnessing,” (3) “Bethel Service,” (4) “Gilead Missionary Training,” noluthi (5) “Ministerial Training School.”—Hlola icandelo elithi “Index to Published Information on Related Subjects,” uze ufunde okungakumbi ngoko unomdla kuko kakhulu.
8 Ngoko ngaba sele usenzile isigqibo ngoko uza kukwenza ngobomi bakho? UPawulos wathi kuTimoti: “Ziphonononge ezi zinto; wendele kuzo, ukuze ukuhambela kwakho phambili kubonakale ebantwini bonke.” (1 Tim. 4:15) Sikubongoza ukuba wenze okufanayo ngoko ukubone waza wakuva kule DVD. Cela uYehova ukuba akuncede wenze ukhetho lobulumko oluya kukunika uvuyo lokwenene kwakunye nekamva elanelisayo.
[Ibhokisi ekwiphepha 4]
KWI-MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Xa ufuna ukutshintshatshintsha iimenu, sebenzisa u-Next ▶, ◀ Back, no-Main Menu.