Ividiyo ethi Young People Ask—What Will I Do With My Life? (Icandelo 1)
Njengoko abaselula bekhula, kufuneka benze izigqibo ezibalulekileyo. Kuye kwenziwa ividiyo ethi Young People Ask—What Will I Do With My Life? ukuze bancedwe njengoko besenza ezo zigqibo. Emva kokuba ufake iDVD kumatshini wokuyidlala, khetha indawo ethi Play Drama, uze ubone enoba ungakwazi kusini na ukuphendula le mibuzo ingezantsi. Emva koko, khetha indawo ethi Interviews uze ucofe ethi Looking Back, uze uzame ukuphendula imibuzo ekwisiqendu 3.
Icandelo elithi Drama: (1) Imeko kaTimoti ifana njani neyolutsha olungamaKristu namhlanje? (2) UAndre waba phantsi kwayiphi ingcinezelo? (3) Yintoni uMzalwana uFleissig awayixelela uAndre (a) ngokuzinikela kuYehova nakwezemidlalo? (Mat. 6:24) (b) ngomthombo wolonwabo lokwenene? (c) ngento esimkhumbuza yona isitya sakhe saxa wayekwinkampu yoxinaniso? (d) ngabantu abakunye naye kunye nenkosikazi yakhe efotweni? (e) enoba uyazisola kusini na ngokutshintsha usukelo lwakhe? (Fil. 3:8) (4) Umakhulu kaAndre wawuphendula njani umbuzo kaAndre othi: “Ngaba ikho into ephosakeleyo ngokufuna kwam ukuba yimbaleki edumileyo?” (Luka 4:5-7) (5) Ngaba ukuphumelela kuka-Andre ugqatso kwamenza wafumana ulwaneliseko lokwenene? (6) Yintoni oye wayithanda ngeleta yokugqibela kaMzalwana uFleissig eyayisiya kuAndre? (IMize. 10:22) (7) UMzalwana uFleissig wamnceda waqonda ntoni uAndre?
Icandelo elithi, Looking Back: (8) Umzalwana nodade babe naluphi usukelo yaye ngoba? (9) Babephumelele kangakanani? (10) Yintoni eyabenza batshintsha usukelo lwabo? (2 Kor. 5:15) (11) Yiyiphi imisebenzi yobuthixo eyathabathel’ indawo leyo babeyenza ngaphambili, yaye yintoni eyabenza bavakalelwa kukuba abanakuyenza yomibini? (12) Ngaba bazisola ngokutshintsha kwabo usukelo lwabo? (13) Yintoni abaye bayithetha eye yakwenza wacinga ngoko ufanele ukwenze ngobomi bakho?
Sicela ubukele olunye udliwano-ndlebe nayo yonke enye inkcazelo ekule DVD, ukuze ukwazi ukugqabaza ngayo njengoko ixutyushwa kwiNtlanganiso Yenkonzo yeveki ezayo.