Iintshayelelo Zamaphephancwadi

IMboniselo Sept. 15

“Ndingakuvuyela ukuva uluvo lwakho ngoku kuthethwa apha. [Funda iDuteronomi 32:4.] Ngaba wakha wazibuza ukuba kutheni kukho ubungendawo nokubandezeleka okungaka ehlabathini ukuba uThixo unamandla nokusesikweni? [Mvumele aphendule.] Eli phephancwadi lisichaza kakuhle isizathu sokuba uThixo evumele ubungendawo buqhubeke de kube ngoku.”

Vukani! Sept.

“Uninzi lwethu lunqwenela ukuba yimiqabaqaba nokuphila ixesha elide. Ngaba uvakalelwa kukuba, ukuba nentliziyo echwayitileyo kunokuyiphucula impilo yakho? [Mvumele aphendule. Ube sel’ ufunda IMizekeliso 17:22.] Eli nqaku lichaza isizathu sokuba kubalulekile ukuhlala uchwayitile.” Oku kuxutyushwa ngako kwinqaku elikwiphepha 26.

IMboniselo! Okt. 1

“Ngaba wakha wazisola usithi, ‘akwaba bendingenzanga ngolu hlobo’? [Mvumele aphendule.] Yiva oko kuthethwa apha ngento yokuba sonke sisenza izinto esiye sizisole ngazo kamva. [Funda uYeremiya 10:23.] Eli phephancwadi licacisa indlela esinokuncedwa ngayo yiBhayibhile senze izigqibo ezifanelekileyo.”

Vukani! Okt.

“Ngaba akucingi ukuba abantwana basengozini ngakumbi namhlanje kunokuba kwakunjalo ngaphambili? [Mvumele aphendule.] Abaninzi bavakalelwa kukuba siphila kanye kweli xesha lichazwa apha. [Funda eyesi-2 kuTimoti 3:1-5.] Eli phephancwadi linikela amacebiso aluncedo ngendlela abazali abanokukhusela ngayo abantwana babo kwabo baxhaphaza abantwana ngokwesini.”