Iintshayelelo Zamaphephancwadi

IMboniselo Sept. 15

“Kweli hlabathi siphila kulo abanye bavakalelwa kukuba babopheleleke kwimitshato ekungekho luthando kuyo. Banokubalekela phi abo bantu ukuze bafumane uncedo? [Mlinde aphendule.] IBhayibhile iyasiqinisekisa ukuba imigaqo kaThixo inokusinceda. [Funda uIsaya 48:17, 18.] Le Mboniselo ixubusha imigaqo yeBhayibhile enokomeleza umtshato.”

IMboniselo Okt. 1

“Ngaba wakha wawubuza lo mbuzo, ‘Ukuba uThixo unothando kwaye ungusomandla, kutheni engabancedi nje ababandezelekayo?’ [Mlinde aphendule.] Kungekudala uza kuziphelisa zonke iingxaki. [Funda uIsaya 65:17.] Okwangoku, uThixo akaneliswa nje kukubukela ngoxa sibandezeleka, njengoko eli phephancwadi libonisa.”

Vukani! Okt. 8

“Ukukwazi kwezilwanyana ukunxibelelana kusishiya sibambe ongezantsi. Kodwa ngaba ubusazi ukuba abantu bahlukile xa kufikwa kwizinto ezithile? [Mlinde aphendule. Emva koko funda INdumiso 65:2.] Ngokwahlukileyo kwizilwanyana, sinqwenela ukunxibelelana noThixo. Eli phephancwadi lixubusha indlela esinokunxibelelana kakuhle ngayo nabanye abantu kunye noThixo.”

“Ukhe wayiva na into yokuba amafama amaninzi akufumanisa kunzima ukuqhubeka nomsebenzi wawo ukuze aziphilise? [Mlinde aphendule.] Lo Vukani! uxubusha le ngxaki kunye nesithembiso seBhayibhile sekamva eliqaqambileyo. [Funda INdumiso 72:16.] Xa ndize kukubona kwakhona, ndingathanda ukukucacisela indlela uThixo aya kukwenza ngayo oku.”