Iintshayelelo Zamaphephancwadi

IMboniselo Sept. 15

“Izigidi zabantu zikholelwa ukuba ‘iingcwele’ zinamandla akhethekileyo yaye kuyinto elungileyo ukuthandaza egameni lazo. Ucinga ntoni wena? [Mlinde aphendule.] Khawuphulaphule oko kwathethwa nguYesu Kristu. [Funda uYohane 14:6.] Oku kwenza abanye bakuthandabuze ukuthandaza egameni ‘leengcwele.’ Le Mboniselo ixubusha ngalo mbandela ubalulekileyo.”

IMboniselo Okt. 1

“Abaninzi bayazibuza enoba ziya kuze ziphele kusini na iingxaki esijamelene nazo namhlanje—iimfazwe, ulwaphulo-mthetho, nobugrogrisi. Ucinga ntoni wena? [Mvumele aphendule.] IBhayibhile inikela esi siqinisekiso. [Funda INdumiso 37:10, 11.] Eli phephancwadi lichaza isizathu sokuba uThixo engekabuphelisi ubungendawo nokubandezeleka obukubangelayo.”

Vukani! Okt. 8

“Abaninzi namhlanje abalali buhlayo ngenxa yobunqolobi, kuquka ukusetyenziswa kwezixhobo ezenziwe ngemichiza. Ngaba ucinga ukuba abalawuli behlabathi bangakwazi ukuphelisa ubunqolobi? [Mlinde aphendule.] IBhayibhile isixelela oko uThixo acinga ngako. [Funda uHezekile 34:28.] Lo Vukani! uhlolisisa neminye imibandela ebandakanyekileyo.”

“Namhlanje libonakala lisanda inani leentsapho ezinomzali ongenaqabane. IBhayibhile ibonisa ukuba uMdali wethu unovelwano ngabanjalo. [Funda INdumiso 146:9.] Lo Vukani! ubonisa indlela imigaqo yeBhayibhile enokubanceda ngayo abazali abangenamaqabane bakhulise abantwana babo ngendlela ephumelelayo.”