Ukuba Ufuna Uncwadi Lolwimi Lwasemzini Ngokukhawuleza

Ngamanye amaxesha sidibana nabantu abakhetha ukufunda uncwadi lwethu ngolwimi olungekhoyo kwibandla lethu. Ngaba ubusazi ukuba, ukuba uneInternet, neprinta, unokuprinta uncwadi ngeelwimi ezimalunga nama-400? Nants’ indlela ongakwenza ngayo oku:

• Yiya kwiWeb site yethu ethi, www.watchtower.org.

• Kwicala lasekunene kwiphepha lokuqala kukho uluhlu lweelwimi. Cofa kumfanekiso womhlaba ukuze ufumane uluhlu lweelwimi ezifumanekayo.

• Cofa kulwimi olufunayo. Kuza kuvela iphepha elibonisa uncwadi onokuluprinta, njengamaphecana, iincwadana namanqaku athile. Ekubeni eli phepha libhalwe ngolo lwimi ulukhethileyo, ungakhathazeki ukuba akukwazi ukufunda imixholo.

• Cofa omnye waloo mixholo. Xa kuvela inkcazelo unokuyiprinta kwikhompyutha yakho.

Le Web site ineempapasho nje ezimbalwa; iimpapasho ezingakumbi zifumaneka ebandleni. (Iimpapasho ezenzelwe amaNgqina, njengeMboniselo yamanqaku afundwayo, inokukhutshelwa kwiWeb site ethi jw.org ngeelwimi ezahlukeneyo.) Ukuba umntu ubonakalisa umdla, kuya kuba kuhle ukuba uncwadi uluode ebandleni.