Indlela Yokubanceda

AmaKristu okwenyaniso ashumayela iindaba ezilungileyo esidlangalaleni. (Fil. 2:17) Ukuze akwazi ukufeza oku, kuye kwafakwa iincwadana ezinemifanekiso ezisisiseko, amaphecana kunye namanqaku athile ngeelwimi ezingama-20 kwi-Internet kule dilesi, www.watchtower.org. Le Web site ayenzelwanga ukuba amaNgqina kaYehova afumane kuyo iimpapasho ezikhoyo. Injongo yayo kukwazisa abantu inkcazelo echanileyo ngeemfundiso zamaNgqina kaYehova eziseBhayibhileni.

Kutshanje, kuye kongezelelwa inkcazelo ebalulekileyo kwiWeb site yethu. Le yincwadana enemifanekiso ethi Yintoni UThixo Ayifunayo Kuthi? ngeelwimi ezingaphezu kwama-220. Idilesi yeWeb site yethu iyavela kwiphepha elisekugqibeleni leMboniselo esusela kwekaJanuwari 1 nakwelikaVukani! kaJanuwari 8, 2004.

Unokusisebenzisa njani esi sixhobo? Mhlawumbi, usenokudibana nomntu obonakala enomdla kodwa abe ethetha olunye ulwimi. Ukuba uneInternet, unokumbonisa idilesi yeWeb site ekwiphepha elisekugqibeleni leMboniselo okanye uVukani! Kulapho anokukwazi ukufunda incwadana enemifanekiso ethi Okufunwa NguThixo ngolwimi lwakhe de umphathele eyakhe. Okanye unokumthumela kwibandla okanye kwiqela elisebenzisa ulwimi lwakhe.