Iintshayelelo Onokuzisebenzisa

Ukuze Uqalise Izifundo ZeBhayibhile KuMgqibelo Wokuqala Ka-Aprili

“Ubhaptizo lwenziwa ngamaKristu amaninzi. Ucinga ntoni wena? Ngaba ubhaptizo lubalulekile? [Mlinde aphendule.] Eli nqaku lithetha ngeengongoma ezibangela umdla.” Nika umninimzi iMboniselo ka-Aprili 1, nixubushe umbandela ophantsi komxholwana wokuqala kwiphepha 16 nize nifunde isibhalo sibe sinye. Mnike eyakhe uze ulungiselele ukubuyela ukuze nixubushe umbuzo olandelayo.

IMboniselo Aprili 1

“Zininzi izinto ezithethwayo ngoYesu. Abanye bacinga ukuba wayenguMesiya othenjisiweyo. Abanye bavakalelwa kukuba wayeyindoda nje elungileyo. Kukho nabakholelwa ukuba akazange abekho. Uthini wena? [Mlinde aphendule.] Ngokutsho kweBhayibhile, kubalulekile ukwazi eyona nyaniso ngaye. [Funda uYohane 17:3.] Eli phephancwadi lichaza indlela iBhayibhile eyiphendula ngayo imibuzo eqhele ukubuzwa ngokuphathelele uYesu.”

Vukani! Aprili

“Sifuna ukunceda iintsapho. Awuvumi na ukuba iintsapho zineengxaki ezininzi namhlanje? [Mlinde aphendule.] Khawubone ukuba iintsapho ezininzi ziye zalufumana phi uncedo. [Funda INdumiso 119:105.] Eli phephancwadi lixubusha indlela iintsapho zomtshato wesibini eziye zaphumelela ngayo kwiingxaki ezijamelana nazo ngokusebenzisa oko kuthethwa yiBhayibhile.”