Iintshayelelo Onokuzisebenzisa

Ukuze Uqalise Izifundo ZeBhayibhile KuMgqibelo Wokuqala Ka-Agasti

“Namhlanje abantu babona uYesu ngendlela awayeyiyo kwiminyaka engamawaka amabini edluleyo, njengosana olusemkhumbini okanye indoda ebethelelwe kwisibonda sentuthumbo. Noko ke, wena ucinga ukuba wenza ntoni ngoku uYesu? [Mlinde aphendule.] Phawula ukuba kuthiwani apha.” Nika umninimzi iMboniselo ka-Agasti 1, nize nixubushe oko kuphantsi komxholwana wokuqala kwiphepha 16 kunye nesibhalo sibe sinye ubuncinane. Mshiyele iphephancwadi uze ulungiselele ukubuyela ukuze nixubushe umbuzo olandelayo.

IMboniselo Agasti 1

“Abantu abaninzi bayakholelwa kwimimangaliso. Abanye bayathandabuza. Ucinga ukuba imimangaliso iyenzeka ngokwenene? [Mlinde aphendule.] Esi sithembiso semimangaliso eseza kwenzeka siye sabanika ithemba abantu abaninzi. [Funda esinye sezibhalo eziboniswe kwiphepha 9-10.] Eli phephancwadi liphendula imibuzo emithathu eqhele ukubuzwa ngabantu ngokuphathelele imimangaliso.”

Vukani! Agasti

“Namhlanje, abantu abaninzi bayoyika ukuhamba bodwa, ingakumbi xa sele kumnyama. Ucinga ukuba ikho into enokwenziwa ukuze kuphele ubundlobongela kweli hlabathi? [Mlinde aphendule.] Eli phephancwadi lixubusha ezinye izinto esinokuzenza ukuze sibe seluxolweni nabanye abantu. Likwaxubusha nendlela esiya kuzaliseka ngayo esi siprofeto.” Funda iNdumiso 72:7.