“Oko UThixo Akubophelele Ngedyokhwe Ndawonye . . . ”

KuMthetho KaMoses indoda efuna ukuqhawula umtshato kwakufuneka ifumane isatifiketi sokuwuqhawula. Le nto yayisenzelwa ukuba abantu bangayiqhawuli njee imitshato yabo. Kodwa xa uYesu wayelapha emhlabeni, iinkokeli zonqulo zaziyenza ibe yinto engenamsebenzi ukuqhawula umtshato. Amadoda ayewuqhawula nokuba siyintoni isizathu. UYesu wabonisa ukuba umtshato umiselwe nguYehova. (Mar 10:2-12) Indoda nomfazi babeza kuba “nyama-nye” ixesha elingenasiphelo. IZibhalo zithi umntu wayevumelekile ukuba aqhawule umtshato xa omnye ‘ekrexezile.’​—Mat 19:9.

Abantu abaninzi namhlanje bawujonga umtshato ngendlela yabaFarisi. Xa kuvela iingxaki, sebecinga ngokuqhawula umtshato. Kodwa kumaKristu atshatileyo isifungo somtshato sibalulekile, kangangokuba xa kuvela iingxaki azama ukuzilungisa ngokusebenzisa imigaqo yeBhayibhile. Emva kokubukela ividiyo ethi, Uthando Nembeko Zimanyanisa lintsapho, phendula le mibuzo:

• 

  Emtshatweni ungayisebenzisa njani IMizekeliso 15:1, ibe kutheni ibalulekile nje loo nto?

• IMizekeliso 19:11 inokukunceda njani uphephe iingxaki?

• Ukuba nineengxaki ezininzi emtshatweni, endaweni yokuzibuza, ‘Ndimele ndiwuqhawule?’ yiyiphi eminye imibuzo onokuzibuza yona?

• UMateyu 7:12 angakunceda njani ube ngumyeni okanye umfazi olungileyo?