Icebiso Lezinto Onokuzifunda

Zazi Ngentloko “Iingoma ZoBukumkani”

“Xa ndityhafile uYehova undikhuthaza ngeengoma ezikuJW Broadcasting.”​—ULorraine waseUnited States.

AmaKristu ebesoloko ecula iingoma zokudumisa uThixo. (Kol. 3:16) Xa uzifunda uze uzazi ngentloko, ziza kukunceda naxa ungenaculo okanye isixhobo se-elektroniki. Khawuzame la macebiso anokukunceda ukwazi ukuyenza le nto.

• Wafundisise amazwi engoma ukuze uqonde ukuba athetha ukuthini. Kulula ukuyikhumbula into xa uyiqonda ukuba ithetha ukuthini. Amazwi azo zonke iingoma zeJW Broadcasting nezabantwana akhona ku-jw.org/xh. Yiya kwindawo ethi “ILaybrari,” uze ungene kwethi “Umculo.”

• Bhala amazwi ephepheni. Le nto iza kukunceda abetheleleke amazwi engqondweni yakho.​—Dut. 17:18.

• Cula ngokuvakalayo. Phindaphinda ukuyifunda okanye ukuyicula ingoma.

• Zijonge ukuba uyikhumbula kangakanani. Zama ukukhumbula amazwi engoma ungajonganga ephepheni ukuze ubone ukuba uyazi kangakanani ngentloko.