IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • wp25 No. 1 iphe. 6-8
  • Ngaba Singaziphelisa Iimfazwe Nemilo?

No video available for this selection.

Sorry, there was an error loading the video.

  • Ngaba Singaziphelisa Iimfazwe Nemilo?
  • IMboniselo Evakalisa UBukumkani BukaYehova (Kawonke-wonke)—2025
  • Imixholwana
  • Amanqaku Afanayo
  • UKUPHUCULA EZOQOQOSHO
  • UKUTHETHANA KWAMAZWE
  • UKUTSHATYALALISWA KWEZIXHOBO ZEMFAZWE
  • UKUDIBANA KWAMAZWE UKUZE AZIKHUSELE
  • Ngaba Uthethathethwano Lunokuzisa Uxolo Ehlabathini?
    Vukani!—2004
  • Liyintoni Ikamva Lemfazwe?
    Vukani!—1999
  • Uxolo—Ngaba Luza Kubakho Ngokupheliswa Kwezixhobo?
    IMboniselo Evakalisa UBukumkani BukaYehova—1989
  • Kutheni Abantu Bengakwazi Ukuxolelana?—Ithini IBhayibhile?
    Imixholo Engakumbi
Khangela Okunye
IMboniselo Evakalisa UBukumkani BukaYehova (Kawonke-wonke)—2025
wp25 No. 1 iphe. 6-8

Ngaba Singaziphelisa Iimfazwe Nemilo?

Zininzi izinto ezibangela ukuba abantu balwe. Baye balwe ngenxa yotshintsho kwezepolitiki, ezoqoqosho, okanye balwele amalungelo abo. Abanye baye balwele ukufumana umhlaba. Eminye imilo emininzi iye ibangelwe kukungafani kweenkolelo. Kuye kwenziwa ntoni ukuze kupheliswe lemilo ngenjongo yokwenza kubekho uxolo? Ngaba ingaze yenzeke nyani loo nto?

Ifoto esikiweyo yabakhi abakwindawo abakha kuyo bathetha ngomsebenzi wabo.

Drazen_/E+ via Getty Images

UKUPHUCULA EZOQOQOSHO

Injongo: Kukwenza bhetele ubomi babantu. Le nto iza kunceda kupheliswe ukungalingani, nto leyo eyenza kubekho imilo neemfazwe.

Kutheni inzima le nto: Kuye kufuneke urhulumente atshintshe indlela ayisebenzisa ngayo imali. Ngo-2022, kuqikelelwa ukuba kusetyenziswe imali engange R641.6 bhiliyoni ekwenzeni bhetele ubomi babantu kwiindawo ezininzi. Sekunjalo, leyo yimali encinci kakhulu xa ithelekiswa nemali eye yasetyenziswa ekuxhaseni umkhosi.

“Siye sisebenzise imali eninzi ekuncedeni abo behlelwe ziimfazwe endaweni yokuqiniseka ukuba akhonto yenza kubekho iimfazwe ukuze kubekho uxolo.”​—UAntónio Guterres, ongunobhala jikelele weZizwe Ezimanyeneyo.

Oko kuthethwa yiBhayibhile: Oorhulumente babantu kunye nemibutho enceda abantu xa kwehle intlekele bangakwazi ukubanceda abantu abasokolayo, kodwa abasoze bakwazi ukukuphelisa ngokupheleleyo ukusokola.​— Duteronomi 15:11; Mateyu 26:11.

ifoto esikiweyo yabantu ababini ababambene ngezandla emva kokwenza isivumelwano

UKUTHETHANA KWAMAZWE

Injongo: Oorhulumente balo mazwe baye badibane ukuze bathethe ngendlela yokuphelisa loo mfazwe nangezinto eziza kunceda kubekho uxolo phakathi kwalo mazwe.

Kutheni inzima le nto: Abanye oorhulumente baye bangavumi ukudibana nabanye oorhulumente ukuze bathethe, basebenzisane okanye bamkele isivumelwano esiye senziwa. Loo nto iye yenze kube lula ukuba izivumelwano zoxolo zingaphumeleli.

“Ukuthethana kwamazwe akusoloko kuphumelela. Izivumelwano ezenziwa ngala mazwe zisenokungayi phelisi loo mfazwe kunoko ziyibangele iqhubeke nangakumbi.”​—URaymond F. Smith, American Diplomacy.

Oko kuthethwa yiBhayibhile: Abantu bamele ‘bafune uxolo.’ (INdumiso 34:14) Kodwa abantu abaninzi namhlanje ‘abathembekanga, . . . banenkani, . . . ibe bajikela abahlobo babo.’ (2 Timoti 3:​1-4) Abantu abenza ezi zinto zimbi baye babangele ukuba kube nzima kwiinkokheli ezifuna uxolo ukuze ziphelise iimfazwe.

ifoto esikiweyo yompu owophukileyo

UKUTSHATYALALISWA KWEZIXHOBO ZEMFAZWE

Injongo: Kukuyekiswa kokusetyenziswa okanye ukutshatyalaliswa kwezinto zokulwa emfazweni, ezifana nenyukliya nezinye ezenziwe ngeekhemikhali.

Kutheni inzima le nto: Amanye amazwe aye angafuni ukuyeka ukusebenzisa ezi zixhobo kuba esoyika ukuthathelwa igunya lawo okanye ukuhlaselwa. Nokuba bangazitshabalalisa ezo zixhobo kodwa abasoze bakwazi ukuziphelisa izinto ezibangela ukuba abantu balwe.

“Ukususela ngo-1991 oorhulumente bamazwe bavuma ukuba baza kuzitshabalalisa izixhobo zabo zokulwa ukuze kwehliswe umonakalo eziwenzayo, nokuze kupheliswe ukungavani kwamazwe ngenjongo yokwenza loo mazwe amanyane aze akhuseleke.”​—“Securing Our Common Future: An Agenda for Disarmament.”

Oko kuthethwa yiBhayibhile: Abantu bafanele bazilahle izixhobo zabo zokulwa baze ‘bawakhande amakrele abo abe ngamakhuba.’ (Isaya 2:4) Kodwa loo nto ayithethi kuthi iimfazwe zizakuphela, kuba iingcinga ezibangela umntu ukuba enze izinto ezimbi ziphuma entliziyweni yakhe.​—Mateyu 15:19.

Ifoto esikiweyo yeenkokheli zamazwe ohlukeneyo zihleli etafileni. Bonke basayina amaphepha.

UKUDIBANA KWAMAZWE UKUZE AZIKHUSELE

Injongo: Abanye oorhulemnte baye badibane ukuze benze isigqibo sokuba baza kuncedana xa behlaselwa lelinye ilizwe elifuna ukulwa nabo. Abarhulumente bakholelwa ukuba elo lizwe alisoze lifune ukulwa nabo xa lisazi ukuba liza kulwa namazwe amaninzi.

Kutheni inzima lento: Xa loo mazwe ethembisa elo lizwe ukuba azakulwa nalo loo nto ayithethi kuthi kuza kubakho uxolo. Oorhulumente bamazwe abasoloko beyenza into abathembise ukuba baza kuyenza, ibe aborhulumnete basenokunga vumelani ngokuba baza kuwahlasela nini okanye njani loo mazwe afuna ukulwa nabo.

“Ukudibana kwamazwe ukuze azikhusele . . . kuye kwanento ebalulekileyo eyenzayo kuMnqophiso woManyano Lwezizwe yiyo loo nto uye wafakwa nakuMgaqo-siseko weZizwe Ezimanyeneyo, kodwa loo nto ayincedanga ekuzipheliseni iimfazwe.”​—“Encyclopedia Britannica.”

Oko kuthethwa yiBhayibhile: Kuye kuphunyezwe okuninzi xa abantu besebenzisana. (INtshumayeli 4:12) Kodwa ke, oorhulumente babantu abakwazi kwenza kubekho uxolo nokhuseleko. “Sanukuthembela kwiinkosana, nakunyana womntu, ongenakukwazi ukunisindisa. Uyaphuma umoya wakhe, aze abuyele emhlabeni, ngaloo mini ziyatshabalala iingcinga zakhe.”​—INdumiso 146:​3, 4, Today’s English Version.

Nangona amazwe esebenza nzima ukuze kubekho uxolo, kodwa zona iimfazwe zisaqhubeka zisibakhona.

Ngaba ihlabathi liya lisaba seluxolweni?

Abanye abantu bathi ihlabathi liseluxolweni kakhulu ngoku kunangaphambili. Bathi iimfazwe zale mihla azithathi xesha lide, ibe kuye kubulawe abantu abambalwa xa zithelekiswa nezo zenzeka kwiminyaka edlulileyo. Kodwa ke, abanye abantu abayikholelwa ukuba yinyani loo nto.

Enoba bathini, kodwa inyaniso yile, iimfazwe nemilo zichaphazela abantu abaninzi apha emhlabeni.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share