IYearbook—Uvimba Wokhuthazo
1 Iingxelo namava aphathelele imisebenzi kaYehova engummangaliso bezisoloko zibahlaziya abakhonzi bakaThixo. (Yobhi 38:4, 7; IMize. 25:25; Luka 7:22; IZe. 15:31) Kungenxa yoko iYearbook of Jehovah’s Witnesses inguvimba wokhuthazo.
2 IYearbook nganye inikela iingxelo ezakhayo ezivela ehlabathini lonke ngemisebenzi nezinto eziphunyezwa ngamaNgqina kaYehova. Amava omeleza ukholo abalaselisa ukhokelo, inkuselo nentsikelelo kaYehova kubantu bakhe. IYearbook ibalisa ngamakhalipha amadoda namabhinqa ashiye iintsapho, izihlobo namazwe awo okuzalwa ukuze azise iinyaniso zeBhayibhile kubantu abakuwo onke amazwekazi nakwinkoliso yeziqithi zolwandle.
3 IYearbook ishukumisele abafundi abaninzi ukuba bandise inkonzo yabo kuThixo. Omnye umfundi wabhala oku: “Andikwazi ukuyifunda ngokukhawuleza. Oko sele ndikufundile ukuza kuthi ga ngoku kundikhuthaze gqitha. Kundenza ndivakalelwe kukuba ndinokwenza okungakumbi ekushumayeleni iindaba ezilungileyo xa ndibona abanye bekwenza oko phantsi kwengcinezelo.”
4 Nyaka ngamnye ukususela ngowe-1927, iYearbook of Jehovah’s Witnesses ibinguvimba wokwenene weengxelo namava akhuthazayo. Ngaba ungenelwa ngokuzeleyo kulo mthombo ukhethekileyo wokhuthazo? Ukuze wenze njalo, qiniseka ukuba uyayifunda iYearbook zisuka nje wakuba uyifumene. Wandule ke ebudeni bonyaka, wenze impinda kumacandelo athile ayo ukuze wena nentsapho yakho nifumane ukhuthazo enilufunayo.