Imibuzo Evela Kubafundi

UYesu wabongoza esithi: “Zibhokoxeni ngamandla ukungena ngomnyango omxinwa, ngenxa yokuba, ndiyanixelela, baninzi abaya kufuna ukungena kodwa abayi kukwazi.“ (Luka 13:24) Wayethetha ukuthini, yaye oko kusebenza njani namhlanie?

Le ndinyana ibangel’ umdla sinokuyiqonda kakuhle xa siqwalasela oko kwakusenzeka ukuze kuthethwe la mazwi. Kwiinyanga ezimalunga nezintandathu ngaphambi kokuba afe, UYesu wayeseYerusalem ebudeni bomthendeleko wokunikezelwa ngokutsha kwetempile. Wathetha ngokuba ngumalusi wezimvu zikaThixo kodwa wachaza kananialo ukuba amaYuda njengohlanga ayengeyonxalenye yezo zimvu kuba ayengafuni kuphulaphula. Xa wathi yena noYise “banye,” amaYuda achola amatye ukuze amxulube. Wasabela ePereya phesheya kweYordan.—Yohane 10:1-40.

Apho indoda ethile yambuza: “Nkosi, bambalwa na abo basindiswayo?” (Luka 13:23) Lowo yayingumbuzo omhle, ekubeni amaYuda elo xesha ayesithi bambalwa abaya kufanelekela usindiso. Ngenxa yeso simo sawo sengqondo, kwakunzima ukuthelekelela ukuba ayecinga ngoobani abo bambalwa. Hayi indlela awayephazama ngayo, njengoko kwakuza kubonakaliswa ziziganeko zamva!

Kangangeminyaka ephantse ibe mibini, uYesu wayephakathi kwawo, efundisa, esenza imimangaliso, ewavulela ithuba lokuba ziindlalifa kunye naye eBukumkanini bamazulu. Waba yintoni umphumo? Wona, yaye ngokukodwa iinkokeli zawo, ayezidla ngokuba yinzala ka-Abraham nangokuphathiswa uMthetho kaThixo. (Mateyu 23:2; Yohane 8:31-44) Kodwa akazange aliqonde yaye asabele kwilizwi loMalusi Olungileyo. Yayingathi kukho isango elivuliweyo phambi kwawo, awayenokuthi akungena kulo avuzwe ngokuba ngamalungu oBukumkani, kodwa akazange avume. Ngentelekiso liqaqobana nje kuphela, ngokuyintloko elalingamahlwempu, elasivayo isigidimi sikaYesu senyaniso, lasabela laza lamlandela—Luka 22:28-30; Yohane 7:47-49.

Ngomhla wePentekoste yowama-33 C.E., ngala mahlwempu awayekulungele ukuthanjiswa ngomoya. (IZenzo 2:1-38) Ayengekho phakathi kwabasebenzi bentswela-bulungisa abakhankanywa nguYesu ababeza kulila yaye batshixize amazinyo ngenxa yokusilela ukusebenzisa ithuba ababelinikiwe.—Luka 13: 27, 28.

Ngenxa yoko, ngenkulungwane yokuqala ‘abaninzi’ ekuthethwa ngabo yayingamaYuda njengohlanga, ibe ngokukodwa iinkokeli zonqulo. Ezi nkokeli zazisithi zifuna inkoliseko kaThixo—kodwa zaziyifuna ngemilinganiselo yazo kuphela, kungekhona ngekaThixo. Ngokwahlukileyo koko, abo “bambalwa” ngokwentelekiso abasabela ngomdla onyanisekileyo ekubeni yinxalenye yoBukumkani baba ngamalungu athaniisiweyo ebandla lamaKristu.

Ngoku khawuqwalasele indlela okusebenza ngakumbi ngayo oku kule mihla yethu. Inkungu nelanga yamarhamente eecawa zeNgqobhoko iye yafundiswa ukuba iza kuya ezulwini. Noko ke, loo mnqweno awusekelwanga kwiimfundiso ezichanileyo zeZibhalo. Njengoko kwakunjalo ngamaYuda angaphambili, aba bantu bafuna inkoliseko kaThixo ize ngendlela ethandwa ngabo.

Noko ke, kweli xesha lethu kuye kwakho abambalwa ngentelekiso abaye basabela ngokuzithoba kwisigidimi soBukumkani, bazahlulela kuYehova, baza bazuza inkoliseko yakhe. Oku kuye kwaphumela ekubeni babe ^“ngoonyana bobukumkani.” (Mateyu 13: 38) Aba “nyana” bathaniisiweyo baqalisa ukumenywa ngePentekoste yowama-33 C.E. Kudala amaNgqina kaYehova esithi ubungqina bokuqhubana kukaThixo nabantu bakhe bubonisa ukuba ngokusisiseko amalungu odidi lwasezulwini sele ebiziwe. Ngenxa yoko, abo baye bafunda inyaniso yeBhayibhile kutshanje baye baqonda ukuba ngoku ithemba elifumanekayo lelobomi obungunaphakade kumhlaba oyiparadesi. Aba baye baba ngaphezulu lee kwinani elinciphayo lentsalela yamaKristu athanjisiweyo, anethemba lokuya ezulwini. ULuka 13:24 akasebenzi ngokuyintloko kwabo bangenathemba lakuya ezulwini kuphela, kodwa ngokuqinisekileyo ubanika icebiso lobulumko.

Ngokusibongoza ukuba sizibhokoxe ngamandla, uYesu wayengathethi kuthi yena okanye uYise ubeka imiqobo yokusithintela endleleni yethu. Kodwa ngokusuka kuLuka 13:24 siyaqonda ukuba uThixo ufuna abangafanelekiyo bakhutshelwe ecaleni. ‘Ukuzibhokoxa ngamandla’ kuthetha ukuzabalaza, ukwenza okungakumbi. Ngaloo ndlela sinokuzibuza, ‘Ngaba ndenza okungakumbi?’ Xa sishwankathela uLuka 13:24, sisenokuthi, ‘Kufuneka ndizibhokoxe ngamandla ukuze ndingene ngesango elimxinwa kuba baninzi abaya kufuna ukungena kodwa bangakwazi. Ngoko ngaba ngokwenene ndizibhokoxa ngamandla? Ngaba ndifana nembaleki kwibala lemidlalo lamandulo ezinikela ngokupheleleyo ukuze ifumane imbasa? Imbaleki enjalo ibingayi kutyhafa, ize ithi chu. Ngaba ndinjalo nam?’

UYesu uthi abanye basenokufuna ‘ukungena ngesango’ ngexesha elithandwa ngabo, bengcemba kuhle. Isimo sengqondo esinjalo sinokulichaphazela iNgqina ngalinye. Bambi basenokuqiqa ngelithi, ‘Akho amaKristu endiwaziyo aye azibhokoxa kangangeminyaka emininzi, ezincama kangangezihlandlo eziliqela; Ukanti, ade aya kufa isiphelo sale nkqubo ingendawo singekafiki. Ngoko mhlawumbi kubhetele ukuthi chu nje, ndiziphilele ubomi obuqhelekileyo.’

Kulula ukucinga ngolo hlobo, kodwa ngaba kububulumko ngokwenene? Ngokomzekelo, ngaba abapostile bacinga njalo? Ngokuqinisekileyo akunjalo. Bazinikela ngokupheleleyo kunqulo lokwenyaniso—de baya kulala kobandayo. Ngokomzekelo, uPawulos wakwazi ukuthi: “[UKristu] ungulowo simvakalisayo . . . Ngenxa yoku ndisebenza nzima ngenene, ndizibhokoxa ngokuvumelana nokusebenza kwakhe okusebenzayo kum ngamandla.” Kamva wabhala: “Ngenxa yoku sisebenza nzima kwaye siyazibhokoxa, ngenxa yokuba sibeke ithemba lethu kuThixo ophilayo, onguMsindisi wazo zonke iintlobo zabantu, ngokukodwa abo bathembekileyo.”—Kolose 1:28, 29; 1 Timoti 4:10.

Siyazi ukuba uPawulos wenza eyona nto yakha yalunga ngokuzibhokoxa kwakhe. Hayi indlela ngamnye wethu ebenokwaneliseka ngayo ukuba ebenokukwazi ukuthetha amazwi kaPawulos athi: “Ndiwulwile umlo omhle, ugqatso ndilubaleke kwada kwesa ekugqibeleni, ukholo ndilugcinile.” (2 Timoti 4:7) Ngoko ngokuvisisana namazwi kaYesu abhalwe kuLuka 13:24, ngamnye wethu unokuzibuza, ‘Ngaba ndizibhokoxa ngenkuthalo yaye ndinemveliso? Ewe, ngaba ndinikela ubungqina obaneleyo, obuthe rhoqo bokuba ndiyasithobela isibongozo sikaYesu esithi: “Zibhokoxeni ngamandla ukungena ngomnyango omxinwa”?’