IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 10/99 iphe. 1
  • Indlela Yokufumana Uvuyo Olungakumbi Kwiintlanganiso

No video available for this selection.

Sorry, there was an error loading the video.

  • Indlela Yokufumana Uvuyo Olungakumbi Kwiintlanganiso
  • Ubulungiseleli Bethu BoBukumkani—1999
  • Amanqaku Afanayo
  • Zingakunceda Njani Iintlanganiso ZamaNgqina KaYehova?
    Phila Ubomi Obumnandi Ngonaphakade!—Incoko Efundisa NgeBhayibhile
  • Kutheni Simele Sihlanganisane Ukuze Sinqule?
    IMboniselo Evakalisa UBukumkani BukaYehova (Efundwayo)—2016
  • Ngaba Ufak’ Isandla Ekwakheni Abanye Kwiintlanganiso ZamaKristu?
    IMboniselo Evakalisa UBukumkani BukaYehova—2010
  • Iintlanganiso Zokunceda Abantu Abaselula
    Ubulungiseleli Bethu BoBukumkani—2000
Khangela Okunye
Ubulungiseleli Bethu BoBukumkani—1999
km 10/99 iphe. 1

Indlela Yokufumana Uvuyo Olungakumbi Kwiintlanganiso

1 Iintlanganiso zibalulekile kwimpilo-ntle yethu yokomoya. Uvuyo esiluzuzayo kuzo lunxulumene ngokuthe ngqo noko sikwenzayo ngaphambi, ebudeni nasemva kweentlanganiso. Sinokuzinceda njani size sincede nabanye ukuba bahlale bekuvuyela ukubakho kwiintlanganiso?

2 Ngaphambi Kweentlanganiso: Ukulungiselela kunegalelo elithe ngqo kuvuyo esilufumanayo kwiintlanganiso. Xa silungiselele kakuhle, sityekele ngakumbi ekunikeleni ingqalelo size sibe nenxaxheba. Ngaphezu koko, nasiphi na isabelo sentlanganiso esisifumanayo sifanele sisilungiselele kakuhle, sinosukelo lokudlulisela inkcazelo echanileyo ngokwemiyalelo size sigcine abaphulaphuli benomdla. Sifanele siqhelisele ngokucokisekileyo. Xa sinegalelo kwiintlanganiso ezibangel’ umdla nezakhayo eziyingenelo kumntu wonke, inkqubela yethu iyabonakala yaye siba novuyo olungakumbi.—1 Tim. 4:15, 16.

3 Ebudeni Beentlanganiso: Ukugqabaza ezintlanganisweni kunokusinceda ukuba sizinandiphe ngakumbi. Iinxalenye ezifuna abaphulaphuli ukuba babe nenxaxheba zifanele zigqalwe njengezabelo zobuqu nguye wonke ubani osebandleni. Amagqabaza amafutshane nangqalileyo ngokufuthi ngawona asebenzayo. Ukunikela amava amafutshane nawakhayo kungakhuthaza yaye komeleze, yaye sifanele sikuphaphele ukuwaquka nanini na xa efuneka kucwangciso. (IMize. 15:23; IZe. 15:3) Xa sinenxalenye ethile kwintlanganiso, sifanele sithethe ngehlombe nangokuqiniseka, siyenze ibe nomdla, ibe yeyokwenene yaye isebenziseke.

4 Emva Kweentlanganiso: Ukwabelana nabanye ngelizwi lobubele, ubabulise ngobuhlobo, nokwabelana ngeengongoma ezimbalwa eziziintloko ezikhankanywe kwiintlanganiso kuya kusinceda sonke. Ukubonakalisa uvuyo ngokubona abaselula, abadala nabasebatsha besiba nenxaxheba kuqinisa uthando lobuzalwana. Kunokuba sithethe kakubi ngabo basenokuba abakwazi ukuya kwiintlanganiso, sifanele sabelane nabo ngovuyo lwethu lokubakho kuzo, ngaloo ndlela sibakhuthaza ukuba babekho.—Heb. 10:24, 25.

5 Masingazibandezi eli lungiselelo libalulekileyo lokwabelana ngokhuthazo. (Roma 1:11, 12) Ngokwenza owona mgudu unyanisekileyo, sonke sinokuhlala sikuvuyela ukubakho kwiintlanganiso zamaKristu.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share