Iintshayelelo Zamaphephancwadi

IMboniselo Juni 15

“Uninzi lwethu luya kusebenza phantse bonke ubomi balo. Abanye bathi loo nto yintsikelelo, ukanti kwabanye sisiqalekiso. Ucinga ntoni wena? [Mlinde aphendule. Emva koko funda INtshumayeli 2:24.] Eli phephancwadi lisibonisa indlela esinceda ngayo iBhayibhile sibe nembono elungeleleneyo ngokusebenza. Kwakhona lixubusha ngendlela esinokuhlangabezana ngayo noxinezeleko lwasemsebenzini.”

IMboniselo Julayi 1

“Sonke sikhe sive ngabantu ababonakala bephumelela kodwa babe bevakalelwa kukuba kukho nto ithile ebalahlekelayo ebomini. Ucinga ukuba yintoni le bayifunayo? [Mlinde aphendule. Emva koko funda uMateyu 5:3.] Eli phephancwadi lixubusha ngeyona nto ibalulekileyo ukuze umntu abe noxolo lwangaphakathi—ukwanelisa iimfuno zethu zokomoya.”

Vukani! Julayi 8

“Ucinga ukuba besiya kuphila ngokonwaba ukuba bonke abantu bebephila ngokuvisisana nala mazwi? [Funda kwabase-Efese 4:28. Emva koko mlinde aphendule.] Eli phephancwadi lixubusha ilahleko enkulu efunyanwa nguye ngamnye wethu ngenxa yobusela. Kwakhona libonisa indlela ubusela, nazo zonke ezinye iindidi zolwaphulo-mthetho, obuya kuba yinto yexa elidluleyo ngayo.”

“Kweli hlabathi lizaliswe ngabantu abafuna imisebenzi, ukungaqeshwa yeyona ngxaki ibalaseleyo. Eli phephancwadi lichaza izinto ezintlanu ezibalaseleyo ezifunekayo ukuze ufumane umsebenzi. [Balaselisa umxholwana obhalwe ngqindilili kwinqaku elithi “Izinto Ezintlanu Ezinokukunceda Ufumane Umsebenzi.”] Kwakhona linamacebiso amahlanu asebenzisekayo endlela onokuhlala ixesha elide ngayo emsebenzini.” Funda IMizekeliso 22:29, ecatshulwe kwiphepha 10.