Ngaba Yadalwa?

Intloko Yesinqolamthi Engakhawulezi Yenzakale

● Umntu unokophuka lula naxa sele ebetheke nje kancinane. Kodwa sona isinqolamthi sinqola ngomlomo waso imithi ngamandla angathethekiyo. Le ntaka ikwazi njani ukwenza oku ize ingaqaqanjelwa nayintloko le?

Khawucinge ngoku: Abaphandi bafumanise ukuba kukho izinto ezine kwintloko yesinqolamthi ezisinceda singenzakali:

1. Umlomo owomeleleyo kodwa obhetyebhetye

2. Uqoqo olomeleleyo olukhusela ukhakayi

3. Ithambo elingathi sisiponji kukhakayi lwaso

4. Amanzi aphakathi kokhakayi nobuchopho

Zezi zinto ke ezinceda isinqolamthi ukuba sinqole umthi izihlandlo ezingama-22 ngomzuzwana ngaphandle kokwenzakalisa ubuchopho baso.

Abaphandi baye bafunda indlela esebenza ngayo intloko yesinqolamthi baza benza isingxobo esingophuki lula. Phakathi kwezinye izinto abaza kukwazi ukuzenza ukuba bayaphumelela, zizingxobo ezomelele ngakumbi zokukhusela ubuxhakaxhaka benqwelo-moya oburekhoda amazwi nezinye izinto ezenzeka kuyo ngoxa isemoyeni, kuba ezikhoyo ngoku azomelelanga kangako. UKim Blackburn, ongunonjineli kwiYunivesithi yaseCranfield, eUnited Kingdom, uthi izinto eziye zafundwa ngentloko yesinqolamthi “zingumzekelo obalaseleleyo wendlela indalo ekwazi ngayo ukucombulula iingxaki ezibonakala zinzima.”

Ucinga ntoni? Ngaba intloko yesinqolamthi engonzakaliyo xa sinqola imithi yabakho ngamabonandenzile? Okanye ngaba yadalwa?

[Umzobo okwiphepha 19]

(Ukuba ufuna inkcazelo ehlahlelwe kakuhle, yiya kwimpapasho)

[Inkcazelo Ngomfanekiso okwiphepha 19]