Tiivi eri exiiri ya ettheko yoohakalala?

BIIBILIYA ONLOTTA WIIRA:

‘Oohakalala taale aniiwa nuulumo na Muluku, ekeettela’.—Luka 11:28, Tradução do Novo Mundo da Bíblia Sagrada.

SEENI ERI AYA YOOREERA ODHUWELA ELO?

Enawookhaliherani okhala nlopwana onaapheta amwaariye.—aEefeso 5:28, 29.

Enawookhaliherani okhala nthiyana onastahi amamune.—aEefeso 5:33.

Enawookhaliherani okhalana wiirana weekhweeli.—Marko 10:6-9.

NINOOWERYA OKHUPALI ELE BIIBILIYA ONLOTTA IYE?

Aayo, mwaha wa mathowa maaili:

• Yehova Muluku Tokhumihenre ettheko. Biibiliya onhudhiha wiira Muluku aahaapattusa anamathelana oopaceera aaleela wiira yaayare aana edhale valaponi. (Maphattuwelo 1:28) Tivo ndho ninlotta nhu wiira Yehova topattunse ettheko.

  Nkhuupuwelani: Akhala wiira nyuwo nhooca eyooca yoodhiva ndho nkaramela odhuwela moopora enaapeiwa aya. Mwaya onkohaani? Mwaya onkoha, nlipa-aapen’ye.

  Emodha-modharu ni ettheko, wiira nidhuwele moopora wookhalana ettheko yoohakalala, nintthuneya onkoha nlipa Opattunse ettheko, Yehova.—Maphattuwelo 2:18-24.

• Muluku ontthuna wiira nyuwo nhakalale. Ittheko dhinnihakalala akhala wiira dhinnitthara miruku Yehova onnivaha iye mBiibiliyani. Nyuwo pooti okhupali mwaha wiira Yeene ontthuna wiira nkhalena itthu dhooreera mweekumini mwinyu. Biibiliya onlotta wiira “owo onnookhapelelani.” (1 Pedru 5:6, 7) Yehova ontthuna wiira nihakalale, ni mirukudhe dhinnivareleya nteko mahiku ootheene!—Miruku 3:5, 6; Yesaya 48:17, 18.