Taani oneettiha olumwinku ola?

BIIBILIYA ONLOTTA WIIRA:

‘Elapo yootheene eneettihiwa ni Ntakhali.’—1 Yohani 5:19.

‘Mwaana a Muluku . . . ohorwa wiira apwetexe miteko sa Satana.’—1 Yohani 3:8, Biblia Solempwa Sowarya.

SEENI ERI AYA YOOREERA ODHUWELA ELO?

Enawookhaliherani odhuwela mathowa aniiriha okhumelela mixankiho nlaponi.—Wiisuupulula 12:12.

Enawookhupalihani wiira makhalelo a elapo anookhala ooreera.—1 Yohani 2:17.

NINOOWERYA OKHUPALI ELE BIIBILIYA ONLOTTA IYE?

Aayo, mwaha wa mathowa mararu:

• Olamulela wa Satana ohanle vakhaani omala. Yehova oolakela omaliha olamulela wa Satana wa oweettiha apinaatamu. Muluku oolaihera ‘ompwetesa Satana’ ni omaliha ohaawa wootheene onkhumiheriwa ni Satana.—aHeeberi 2:14, Bibiliya Solepwa Sowarya.

• Muluku oontthanla Yesu wiira alamulele elapo. Namalamulela a olumwinku ola tootakhala, ni a nrima. Masi Yesu toovirikana nuuwo. Muluku oolaihera wiira Yesu, nkhama mwene ‘Onawaamorela ikharari alipa-oothanyiwa: onowoopola atthu oohaawa . . . Onowaakihera atthu oohadhuliwa ni oopuheriwa: onawaakumihera nlattu ale anaahasa.’—Esalimo 72:13, 14.

• Muluku khanootha. Biibiliya onlotta wiira: ‘Muluku khankhala-khala oothaka.’ (aHeeberi 6:18) Yehova Muluku alotta etthu enkhala yeelo. Owo alaihera etthu, onnaakhwanihera! (Yesaya 55:10, 11) ‘Ole onruma vathi-va, onawiikariwa.’—Yohani 12:31.