Omwene wa Muluku Eseeni?

BIIBILIYA ONLOTTA WIIRA:

‘Muluku a wiirimu onookhumihera omwene ohinrowa omala.’—Daniyeli 2:44, Tradução do Novo Mundo da Bíblia Sagrada.

‘Noovahiwa mwaana anlopwana; owerya wa omwene ori ni yeene.’ —Yesaya 9:6; enoota.

SEENI ERI AYA YOOREERA ODHUWELA ELO?

• Ekuvernu elo pooti wookhaliherani olelo mweekumini mwinyu. —Yesaya 48:17, 18.

• Enooruha ekumi yooreera ni ohakalala nhoolo elapo epheya. —Wiisuupulula 21:3, 4.

NINOWERYA OKHUPALI ELE BIIBILIYA ONLOTTA IYE?

Aayo, mwaha wa mathowa maili:

• Yesu ohoonihera ele Omwene wa Muluku on’ya aya opaka. Yesu ohaahudhiha atthareli iye ovekela wiira Omwene wa Muluku ore ni otthuna wa Muluku wiireye valaponi. (Matheyo 6:9, 10) Yesu ohoonihera moopora nivekelo-nna nin’ya aya waakhuliwa.

  Okathi aariiye valaponi, Yesu ahaavaha eyooca atthu awaattha yaavoliwe etala, aahaapenusa aretta, ni aahaahihimusa atthu yakhwiye! (Matheyo 15:29-38; Yohani 11:38-44) Nkhama Namalamulela a nhoolo a Omwene wa Muluku, Yesu aahoonihera saana itthu dhootepa oreera Omwene wa Muluku on’ya aya waapakela atthu valaponi.—Wiisuupulula 11:15.

• Itthu dhinkhumelela moolumwinkuni dhinnoonihera wiira ora wa Omwene wa Muluku ohaakuveya. Yesu ahilotta wiira ohinaakuve Omwene wa Muluku oriiha nrettele valaponi, moolumwinkuni dhankhumelela ikhotto, etala, ni isikinyatthi.—Matheyo 24:3, 7.

  Mahiku ala ninniwerya woona itthu idha dhikhumelelaka. Mwaha wa vaavo, nikhupali wiira voohilekela Omwene wa Muluku onoomaliha itthu idha dhootheene.