YOOSOMA 8
Abrahaamu ni Saara Yaahimwiiwelela Muluku
Waattamela Obabeeli yaahikhala epoma yaaitthaniwa Owuuri, Atthu a elapo ele yaakokhorela amuluku eetheru. Masi aahikhalawo nlopwana mmodha oovirikana ni atthu awo, owo taankokhorela pahi Yehova. Ndhina-ne aitthaniwa Abrahaamu.
Yehova aahinleela Abrahaamu wiira: ‘Nkhume elapo nnyu, mwaahiye amudhi nnyu, nrowe elapo kin’yaaka woothonyerani.’ Moottharelana Muluku aahinleihera Abrahaamu wiira: ‘Kinawaapakela itthu dhooreera atthu a elapo yootheene mwaha wa nyuwo ni nloko ninyu.’
Abrahaamu khaadhuwela elapo Yehova aaya iye onruma, masi ata ori dhiidho owo ahimwiiwelela Yehova ni aahinroromela. Ndho Abrahaamu, mwaariye, apaapa-ye Terahi ni ndhule Looti, yaahaarumari itthu-dha ni epacera weetta nkhwaha.
Okathi Abrahaamu ni emudhiye yaaphin’ya awa elapo yeelo Yehova aatthuna iye omoonihera aaira ariina miyakha 75. Elapo elo yaitthaniwa oKanaani. Nuumala ophiya elapo ele, Muluku aahinlaihera-tho etthu ekina, airaka: ‘Kinawavaha elapo yootheene ela nnoona nnyu aninnyu ni adhuli nnyu.’ Masi Abrahaamu ni Saara yaira yuuluvanle ni khiyaarina mwaana. Ndho Yehova aaya owerya dhai waakhwanihera ele aalaihenre iye?
“Mwaha wa waamini, Abrahamu okathi aihaniwe awe ni Muluku aahiiwelela ni aahirowa opuro Muluku aamuleihenrye awe wira aarowa onvaha. Owo aahirowa, hata ahaasuwela opuro aarowa awe.”—aHeeberi 11:8