Yehova Onneehererya Waamini wa Abrahaamu

Okathi wootheene Abrahaamu aanimpheta ni aaninroromela Yehova ni aahinhudhiha mwane Isaaki opaka etthu emodharu. Masi okathi Isaaki aariyena miyakha 25, Yehova aahinvekela Abrahaamu etthu yooxankiha. Eseeni elo?

Muluku aahinvekela Abrahaamu wiira: ‘Safatali nrowe opuro onitthaniwa Moriya wiira mwakivahe nkuttho. Masi ekwaha ela nkintthuna enama, kintthuna wiira nkivahe mwaninyu Isaaki.’ Abrahaamu khawenrye wiiwasasa nthowaana Yehova aavekenle iye opaka etthu ele. Masi hata ori dhiidho veene aahimwiiwelela Yehova.

Mmeelom-mwa ohihiyu, Abrahaamu Isaaki ni arumei-ye aili, yaahivenya ekarowa omwaako Moriya. Nuuvira mahiku mararu yeetaka nkhwaha ole, yaahipacera woona mwaako ole. Ndho Abrahaamu aahaaleela arumeyi-ye wiira: atthu ekilipelele vaava, miyo ni Isaaki nin’ya onvaha nkuttho Yehova. Nuuvinya, Abrahaamu aahikusa mwaalo ni ahinvekela Isaakhi okusa ikhuni. Ndho Isaaki ahakoha apaapa-ye wiira: ‘Enamaya eri vaai nin’ya nhu onvaha nkuttho Yehova?’ Abrahaamu ahakhula wiira: ‘Nhixanke mwanaka, Yehova onoopaka etthu.’

Nuumala ophiya omwaako yaahikocira opuro ni ephwehavo ikhuni. Ndho Abrahaamu aahintthuka Isaaki manawu ni matata amphweha vadhulu wa ikhuni.

Moottharelana Abrahaamu aahikusa mwaalo. Ni okathiya yoole, ahiwa nlaikha na Yehova nilottaka wiira: ‘Abrahaamu! Nhimwirihe etthu yootakhala Isaaki! Nennava koodhuwela wiira munnimwaamini Muluku, okhala wiira mwari oolikaneene para onvaha mwaninyu mmodheene Isaaki.’ Ndho Abrahaamu aahoona eputthiputthi manyakaya ewatenle vanttaikhoni. Abrahaamu ahinvaha Yehova eputthiputthi ele nkhama nkuttho, nipuro na Isaaki.

Okhuma nihiku nenne, Abrahaamu aahikhala nxirikha a Yehova. Nyuwo munnidhuwela nthowa na? Okhala wiira Abrahaamu aanipaka itthu dhootheene avekeliwa iye ni Yehova, hata ahaiwasasa mathowa-ya.

Nuuvenya, Yehova aahitthikela onleela Abrahaamu yoolaihera yeele aanleenle iye yoopacera airaka: ‘Miyo kinaworelihani, ni kinawaacerera emudhi nnyu, kinawavaha itthu dhooreera atthu ootheene a valaponi orweela wa nloko ninyu.’