YOOSOMA 33
Eseeni Omwene wa Muluku On’ya awa Opaka?
Omwene wa Muluku woopacera olamulela wiirimu. Moohilekela, Omwene owo onoopaka marukunuso awaatta valaponi. Yoosoma ela, nin’ya woona itthu vakhaani dhooreera Omwene wa Muluku on’ya awa opaka.
1. Omwene wa Muluku on’ya oruuha dhai nrettele ni exariya valaponi?
Yesu, yoowo ori Mwene a Omwene wa Muluku, onawaapwetesa atthu ootakhala ni ikuvernu dha apinaatamu arumeelaka ekhotto ya Harmagedoni. (Wiisuupulula 16:14, 16) Vaavo elo en’ya awa wiireya, enawaakhwanela yoolaihera ya mBiibiliyani eni: “Atakhali anorimela nananoru.” (Esalimo 37:10) Arumeelaka Omwene wa Muluku, Yesu onooruuha nrettele ni exariya elapo yootheene.—Munsome Yesaya 11:4.
2. Ekumi nhu en’ya okhala dhai noomala wiireya yootthuna ya Muluku valaponi?
Nkuupuwelani nkhalaka elapo atthu ootheene araawa anaxariya, oreera nrima ni atthu ootheene emphetaka Yehova ni ephetanaka nkina ni nkhwe! Atthu an’ya okhala dhiidha vaavo Omwene wa Muluku on’ya awa opacera olamulela okhala wiira: “Anaxariya animwakhela elapo yohiyeriw’aya: anrowa okhalaka-mo mahiku othene.” (Esalimo 37:29) Khavo ntthu on’ya oweereiya ni atthu ootheene an’ya ekakhala mahiku ootheeene.
3. Eseeni Omwene wa Muluku on’ya awa opaka noomala waapwetesa atakhali?
Noomala atakhali opwetesiwa, Yesu on’ya olamulela iyaakha ekonto emodha aahiidho iyaakha 1.000. Okathi owo, Yesu ni atthu 144.000 an’ya olamulela ni yeene anawaakhalihera atthu valaponi okhala omalela. Wookidherani wa iyaakha ekonto emodha, elapo yootheene en’ya okhala eparayiisu ni atthu ootheene an’ya ekakhala ohakalala okhala wiira ekamwiiwelela malamulo a Muluku. Noomala, Yesu onontthikihera Omwene Tithi-ye, Yehova. Okathi owo, ndhina na Yehova ‘nnoottelihiwa’ oxira khalai. (Matheyo 6:9, 10) Ndho elo enawoonihera wiira Yehova namalamulela ooloka onathokoryerya saana atthu. Moottharelana, Yehova onompwetesa Satana, malaikha ootakhala ni khuta ntthu onkhootta wiiwelela Omwene-ye. (Wiisuupulula 20:7-10) Mwaha wa Omwene wa Muluku, ekumi en’ya okhala yoomalela mwa inamuna dhoothedhene ni en’ya okhala ya mahiku ootheene.
NHUDHE ITTHU DHIKINA
Moone seeni nireerela nhu onroromela Muluku wiira onoorumeela Omwene-ye wiira aakhwanihere dhoolaihera dhootheene dhiri mBiibiliyani dhin’ya wiireya nhoolo.
4. Omwene wa Muluku onoomaliha ikuvernu dhootheene dha apinaatamu
Biibiliya onlotta wiira: “Vathí-va àkhala akina arina owerya, àkhala-tho akina anihawa epuheriwaka n’awo.” (Musuweli 8:9) Yehova onoorumeela Omwene-ye wiira amalihe ohixariya wootheene.
Munsome Daniyeli 2:44 ni 2 aTesaloonika 1:6-8, nuuvinya mwaakhule makoho anttharelana:
Eseeni Yehova ni Yesu an’ya awa wiiriya ikuvernu dha apinaatamu ni atthu ale anikhalihera ikuvernu idho?
Vaavo nnuupuwela nnyu voohima dha itthu dhootheene nhudhe nnyu voohima dha Yehova ni Yesu, seeni munreerela nnyu okhupali wiira ophukela wa Yehova onookhala wa xariya?
5. Yesu Mwene omphwanelela
Nkhama Mwene a Omwene wa Muluku, Yesu onoopaka itthu dhawaatta dhooreera wiira akhalihere atthu valaponi. Moone EVIIDIYU. Eviidiyu enawoonihera wiira Yesu ontthuna waakhalihera atthu ni Muluku onvaha owerya woopaka elo.
Itthu Yesu apanke iye okathi ariiye valaponi, ntakihero na itthu on’ya iye opaka nhoolo nkhama Mwene a Omwene wa Muluku. Mareeliho seeni ari nva mwaatthuna nnyu woona yiiren’ye? Nsome dhawaatikhiwa dha mBiibiliyani dhinlotta voohima dha mareeliho awo.
OKATHI YESU ARIIYE VALAPONI . . . |
ARI WIIRIMU YESU ON’YA . . . |
|---|---|
|
|
|
|
|
|
|
|
6. Omwene wa Muluku onooruuha itthu dhooreera nhoolo
Omwene wa Muluku onawaavaha apinaatamu ekumi yooreera yeelo okhuma khalai Yehova ontthuna iye waavaha. Atthu anookhala mahiku ootheene mparayiisu valaponi vaava. Moone EVIIDIYU wiira moone moopora Yehova on’ya iye waakhwanihera yoolakhela-ye valaponi vaava anrumeelaka Yesu.
Nsome Esalimo 145:16, nuuvinya mwaakhule nikoho ninttharelana:
Nnoonela dhai odhuwela wiira Yehova ‘onawaavaha atthu itthu dhootheene antthuna awa’?
ATTHU AKINAKU ANLOTTA WIIRA: “Akhala wiira khuta ntthu onoopaka mphantta-ye ninoowerya omaliha mixankiho valaponi.”
Mixankiho seeni Omwene wa Muluku dhin’ya awa omaliha dheidho ikuvernu dha apinaatamu dhihinwerya awa omaliha?
WUULUULA
Omwene wa Muluku onoopaka itthu dhootheene Muluku ootthuna iye. Owo onawiiriya elapo yootheene okhala eparayiisu, mwemmo an’ya ekakhalamo atthu oreera nrima ni an’ya ekankokhorela Yehova mahiku ootheene.
Ipontu dhuulupale
Omwene wa Muluku on’ya otteliha dhai ndhina na Yehova?
Seeni ninreerela nhu okhupali wiira Omwene wa Muluku onawaakhwanihera dhoolaihera dhootheene dhiri mBiibiliyani?
Itthu seeni Omwene wa Muluku dhin’ya awa opaka, dheidho mwaatthuna nnyu woona dhiireyaka?
NTHOKODHE ITTHU DHIKINA
Moone ele entaphulela awa Armaxedoni.
“Ekhotto ya Armaxedoni Eseeni?” (Mwaha ori nsaaitini jw.org)
Moone ele en‘ya wiiraneya okathi yoowo Yeesu aitthanne iye okhala ‘maxakha muulupale’.—Matheyo 24:21.
“Maxakha Muulupale Eseeni?” (Mwaha ori nsaaitini jw.org)
Moone moopora atthu a vathekoni akhanla awa wuupuwela eri mparayiisu.
Mwaha oni: “Makoho Awaatta Yanikixankiha,” moone moopora nlopwana mmoodha ettela epolitika ni ahaiwelela malamulo ophwannye iye waakhuliwa wa makoho yanxankiha.
“Biibiliya Onnirukunusa Ikumi dha Atthu” (A Sentinela, 1 de Janeiro de 2012)