YOOSOMA 55
Nkhalihere Muloko Nnyu
Olumwinku wootheene imilyawu dhawaatta dha atthu anninrumeela Yehova mwa miloko dhawaatta. Ndho awo annivaha efaita yuulupale itthu anhudhihiwa awa ni antthuna okhalihera mmulokoni. Niire nyuwo nnoonela dhiidho muloko nnyu?
1. Mun’ya orumeela dhai okathi nnyu ni ikuru dhinyu wiira nkhalihere muloko nnyu?
Ootheene nhu ninoowerya okhalihera mmulokoni. Mwa ntakihero, niire nyuwo pooti waakusa atthu awuuluvala aahiidho atthu antthuna okhaliheriwa wiira erowe onthukumanoni? Woonawene nyuwo pooti waakhalihera ni itthu dhikina nkhama waathumela itthu aahiidho orowa oreeriha vaate-va. (Munsome Yakobo 1:27.) Nitho nihaana wiivahererya wiira nilokihere Empa ya Omwene. Khaavo ntthu onkhanyereriwa opaka itthu idha. Masi ompheta wihu Muluku vamodha ni anna tonniiriha wiivahererya ‘vootthuna wihu.’—Esalimo 110:3.
Anamoona Yehova opatisiwa anoowerya okhalihera mwa inamuna dhikina. Mwa ntakihero, anna pooti wiilipihera wiira ephwanelele orumeela nkhama arumeyi ookhalihera aahiidho asitokweene. Anna ni arokora anoowerya okhalihera nteko woolaleerya ekhalaka mapiyoneeru. Anamoona Yehova akinaku, anniwerya okhalihera otekiwa mapuro onkokhorela Yehova. Nitho akinaku annithama erowaka elapo ekinaku oriwo muloko ontthuna okhaliheriwa.
2. Nin’ya orumeela dhai mireerelo dhihu wiira niwerye okhalihera muloko?
Ninoowerya ‘onvuwiha Yehova ninvahaka dhooreera nirinhuna.’ (Miruku 3:9 Hiyo ninnoona okhala eparakha yuulupale ovaha dhoovaha dhihu wiira nikhalihere muloko ni nteko woolaleerya wa olumwenku wootheene. (Munsome 2 aKorinto 9:7.) Nsurukhu ninvaha nhu onnirumeeliwa wiira ekhaliheriwe anna dhaaphwannye ihasara dha ephattu. Atthu awaatta anithanla ‘osuka nsurukhu’ khuta esumana aahiidho miyeeri dhootheene. (Munsome 1 aKorinto 16:2.) Ninoowerya opaka elo nipwehaka nsurukhu nhu ikaaxa dha dhoovaha dha mmulokoni dhimphwanyeya Empa ya Omwene aahiidho nsaaitini opuro oni: donate.jw.org. Moopora ninrumeela nhu mireerelo dhihu onninivaha eparakha ya omoonihera Yehova ompheta wihu.
NHUDHE ITTHU DHIKINA
Moone itthu vakhaani nkhanle nnyu opaka wiira nkhalihere muloko.
3. Nkhalihere muloko ni dhoovaha dhinyu
Yehova ni Yesu annaapheta ale anvaha dhoovaha-dha ni nrima wootheene. Mwa ntakihero, Yesu ahinttottopela nthiyana naankhweli oohawa okathi aamoonne iye avahaka nsurukhu-ye. Munsome Luka 21:1-4, nuuvinya mwaakhule makoho anttharelana:
Niire nihaana ovaha nsurukhu wawaatta wiira ninhakalalihe Yehova?
Yehova ni Yesu anoonela dhai dhoovaha dhihu nimpaka nhu ni nrima wootheene?
Wiira ndhuwele moopora dhoovaha dhihu dhinrumeeliwa awa, moone EVIIDIYU. Nuuvinya mwaakhule nikoho ninttharelana.
Dhoovaha dhihu dhinrumeeliwa dhai wiira dhikhaliheriwe miloko dha olumwenku wootheene?
4. Ninoowerya wiivahererya wiira nikhalihere
Arumeyi a Yehova a khalai wanaadhivela okhapelela mapuro yankokhorela awa Yehova. Ndho opaka elo, yaari etthu yootthuneya oxira nsurukhu. Munsome 2 Wahala 34:9-11, nuuvinya mwaakhule nikoho ninttharelana:
Anaisirayeeli yaakhalihera dhai okocihera etempulu?
Wiira moone moopora Anamoona a Yehova antthara awa ntakihero nna na mBiibiliyani, moone EVIIDIYU. Nuuvinya mwaakhule makoho anttharelana.
Seeni eraawa etthu yootepa otthuneya oreeriha Empa ya Omwene ni okocihera saana?
Ndho nyuwo mun’ya okhalihera dhai?
5. Anna anoowerya opaka itthu dhawaatta mmulokoni
Biibiliya onnaatumererya alopwana Makiristau wiilipihera wiira ekhalihere mmulokoni. Wiira moone ntakihero nimodha, moone EVIIDIYU. Nuuvinya mwaakhule mwaakhule nikoho ninttharelana:
Nkhama moonne nnyu eviidiyu, eseeni Pedro apanke iye wiira akhalihere muloko?
Biibiliya onnilotta mikhalelo anna anreerela awa okhalana wiira erumeela nkhama arumeyi ookhalihera aahiidho asitokweene. Munsone 1 Timootheyo 3:1-13, nuuvinya mwaakhule makoho anttharelana:
Mikhalelo seeni anreerela awa okhalana anna antthuna orumeela nkhama arumeyi ookhalihera ni asitokweene?
Mikhalelo seeni atthu a vatthekoni-va anreerela awa okhalana?—Moone eversu 4 ni 11.
Vaavo anna anilipihera awa okhalana mikhalelo idha, mireerelo seeni atthu mmulokoni amphwanya awa?
ATTHU AKINAKU ANLOTTA WIIRA: “Onkhuma woowi nsurukhu Anamoona a Yehova anrumeela awa wiira evare nteko-ya?”
Nyuwo mun’ya waakhula dhai?
WUULUULA
Yehova onnivaha efaita vaavo niniilipihera nhu wiira nikhalihere muloko nirumeelaka okathi nhu, ikuru dhihu ni mireerelo dhihu.
Ipontu dhuulupale
Nin’ya orumeele dhai ikuru dhihu wiira nikhalihere muloko?
Nin’ya orumeela dhai mirereelo dhihu wiira nikhalihere muloko?
Eseeni muntthuna nnyu opaka wiira nkhalihere muloko?
NTHOKODHE ITTHU DHIKINA
Moone nthowa nnimwiiriha Muluku ohinikhanyerera ovaha itiisimu.
“Eseeni Biibiliya Onlotta iye Voohima dha Oliva Itiisimu?” (Mwaha ori nsaaitini jw.org)
Biibiliya onnilotta mooluluwanya wiira alopwana oopatisiwa tanreerela ohoolela miteko dha mmulokoni. Masi ankhi akhala wiira opuro owo khaavo nlopwana, ndho akatthuneya athiyana ohoolela miteko idho?
ʼMalakihero Voohima dha Ohoolela Mmulokoniʼ (A Sentinela, Fevereiro de 2021)
Mwaadhuwele saana Anamoona a Yehova akinaku oolipa nrima yailiipihera okelela iliivuru wiira yaakawele anna a muloko-ya.
Okaiwa wa Iliivuru Dhininlelihera Biibiliya Elapo ya oCongo 4:25
Moovirikana ni itiini dhikina hiyo ninkhapelela dhai dhoovaha dhihu?
“Onkhuma Vaayi Nsurukhu Anamoona a Yehova Anrumeela awa Wiira Evaarele Miteko-dha?” (Mwaha ori nsaaitini jw.org)