YOOSOMA 57
Eseeni Munreerela Nnyu Opaka Mwapaka Etampi Yuulupale?
Hata mwiilipiheraka wiira mpake yootthuna ya Yehova, ivaara dhikinaku pooti ovonya. Dhoovonya dhikina pooti okhala dhuulupale oxira dhikina. (1 aKorinto 6:9, 10) Akhala wiira nnoopaka etampi yuulupale nhiliyale wiira Yehova nlelo onnoophetani ni ontthuna woolevelelani ni wookhaliherani.
1. Eseeni ninreerela nhu opaka wiira Yehova anilevelele?
Ntthu onimpheta Yehova onniriipiwa nrima vawaatta vaavo onoona iye wiira oopaka etampi yuulupale. Masi etthu Yehova onaalaihera iye arumeyi-ye ti yoomaaliha nrima, owo onlotta wiira: ‘Hata dhoottheka dhinyu dhikhalaka dhoosera nkhama ephome, miyo kinootteliha mpakha olikana ni phaapa.’ (Yesaya 1:18) Akhala wiira ninoottharuwa ni nrima wootheene, Yehova onoonilevelela. Nin’ya woonihera dhai wiira noottharuwa ni nrima wootheene? Ninawoonihera wiira noottharuwa ni nrima wootheene nihiyaka opaka itthu dhootakhala ni onvekela Yehova wiira anilevelele. Moottharelana, nihaana wiilipihera wiira nirukunuse miyoonelo ni ottharuwa dhoolema dhihu dhikhanle oniiriha opaka etampi. Ohiya-vo, nihaana wiilipihera wiira nikhale moovarihana ni otthuna wa Yehova.—Munsome Yesaya 55:6, 7.
2. Yehova onarumeela dhai asitokweene wiira enikhalihere vaavo nimpaka nhu etampi?
Akhala wiira noopaka etampi yuulupale Yehova onlotta wiira ‘niwiitthane asitokweene a mmulokoni.’ (Munsome Yakobo 5:14, 15.) Asitokweene annimpheta Yehova vamodha ni ipwittipwitti-dhe. Awo anrumeela odhuwela onkhuma mBiibiliyani wiira enikhalihere otthikela okhalana waataana woolipa ni Yehova—aGalasia 6:1.
Asitokweene annikhalihera dhai vaavo nimpaka nhu etampi yuulupale? Asitokweene aili aahiidho araru anoonrumeela Biibliya wiira enoonihere wiira etthu nipanke nhu etthu yoonanara. Nitho anoonivaha malakihero ni miruku dhin’ya onikhalihera ohitthikela opaka etampi. Masi ankhi akhala wiira ntthu opanke etampi yuulupale khantthuna ottharuwa? Vaavo eniiraneya awa elo, asitokweene annikhumiha ntthu owo mmulokoni wiira ahaaravihe atthu akina mmulokoni mweettelo-ye woonanara.
NHUDHE ITTHU DHIKINA
Moone moopora Yehova okhanle iye onikhalihera akhala wiira noopaka etampi yuulupale.
3. Ohikhuwa etampi nipanke nhu onninikhalihera
Vaavo nimpaka nhu etampi ninninriipiha nrima Yehova. Tivondho, ninreerela nhu ohikhuwa itampi dhihu. Nsome Esalimo 32:1-5, nuuvinya mwaakhule nikoho ninttharelana:
Ohiya okhuwa itampi dhihu, seeni eraawa etthu yooreera onleela Yehova?
Ohiya onleela pahi Yehova itampi dhihu, ninookhala saana akhala wiira nihaavekela nikhalihero asitokweene. Moone EVIIDIYU, nuuvinya mwaakhule nikoho ninttharelana.
Nkhama moonne nnyu eviidiyu, asitokweene yaankhalihenre dhai Canon otthikela wa Yehova?
Nihaana okhala oororomeleya wa asitokweene, okhala wiira awo antthuna onikhalihera. Munsome Yakobo 5:16, nuuvinya mwaakhule nikoho ninttharelana:
Ninaakhweihera dhai asitokweene onikhalihera vaavo nihinaakhuwa nhu etthu okathi annikoha awa?
Nhikhuwe etampi mpanke nnyu, mwaaleele itthu dhootheene asitokweene okathi munvanela nnyu naawo ni mwaakhulele nikhalihero noopheta na Yehova
4. Yehova onamorela ikharari ale apanke etampi
Akhala wiira ntthu opanke etampi yuulupale khantthuna ottharuwa, owo onnikhumihiwa mmulokoni. Ohiya-vo, hiyo ninnihiya weetta nuuwo. Munsome 1 aKorinto 5:6, 11, nuuvinya mwaakhule nikoho ninttharelana:
Efermento enniiriha esima yoomasariwa opuhuwa. Seeni weetta ni ntthu opanke etampi yuulupale ahikatthuna ottharuwa, onhonona awa muloko wootheene?
Asitokweene annintakiha Yehova yaamorelaka ikharari ale apanke etampi yuulupale. Awo annipaka elo, yiilipiheraka owaadhya ni waakhalihera ale akhumihiwe mmulokoni. Ndho hata ottarusiwa eri etthu yoowereya, elo ennaakhalihera ale apanke etampi yuulupale ottharuwa.—Esalimo 141:5.
Moopora Yehova onaathokorerya iye ale apanke etampi yuulupale enoonihera dhai wiira owo Muluku a xariya, omoriwa ikharari ni oopheta?
5. Yehova onninilevelela vaavo ninttharuwa nhu ni nrima wootheene
Yesu oorumeela nlikanyiho ninnikhalihera wiiwasasa moopora Yehova onoonela iye vaavo ntthu onttharuwa iye. Munsome Luka 15:1-7, nuuvinya mwaakhule nikoho ninttharelana:
Yawaatikhiwa ela ennihudhihani voohima dha Yehova?
Munsome Ezekiyeli 33:11, nuuvinya mwaakhule nikoho ninttharelana:
Eseeni ninreerela nhu opaka wiira noonihere wiira noottharuwa ni nrima nhu wootheene?
Nkhama makampusi ooreera nrima, Yehova onnikhapelela saana ipwittipwitthi-dhe
ATTHU AKINAKU ANLOTTA WIIRA: “Akhala wiira miyo kinawaaleela asitokweene etampi kipanka aka, awo anookikhumiha mmulokoni.”
Nyuwo mun’ya onkhalihera dhai ntthu onuupuwela dhiidho?
WUULUULA
Akhala wiira noopaka etampi yuulupale, Yehova onoowerya onilevelela. Tivondho, nihaana ottharuwa ni nrima nhu wootheene ni okhalana yoolakela ya ohitthikela opaka itthu dhootakhala.
Ipontu dhuulupale
Seeni eraawa etthu yooreera ohinkhuwa Yehova itampi dhihu?
Eseeni ninreerela nhu opaka wiira nileveleliwe etampi dhihu?
Akhala wiira noopaka etampi yuulupale seeni ninreerela nhu waadhya nikhalihero na asitokweene?
NTHOKODHE ITTHU DHIKINA
Moone moopora nlopwana mmodha onne iye omoriwa ikharari wa Yehova weiwo onlottiwa eliivuru ya Yesaya 1:18.
Nhikhala-khale Mwaakanyeraka Omoriwa Ikharari wa Yehova 5:02
Asitokweene aneehererya dhai onkhalihera ntthu opanke etampi yuulupale?
“Nin’ya Waapheta Dhai ni Waamorela Ikharari Ale Anittheka?” (Owehaweha a Agosto a 2024)
Moone moopora ale apanke etampi yuulupale ehikatthuna ottharuwa anooniheriwa awa ophetiwa ni omoreliwa ikharari.
“Moopora Asitokweene An’ya awa Waakhalihera Ale Akhumihiwe Mmulokoni” (Owehaweha a Agosto a 2024)
Wiira moone nthowa nimodha naamwiirinhe nlopwana mmodha otthikela onrumeela Yehova, nsome yawiiraneya eni: “Miyo Kahoona Wiira Kanireerela Otthikela wa Yehova”.
“Biibiliya Onnirukunsa Ikumi dha Atthu” (A Sentinela, 1 de Abril de 2012)