Wathokorerya Saana Atthu

Etthu Aapanke iye Yeesu

EVIIDIYU: Yeesu ni Nthiyana Nsamariya eri Veehimeni

1. Moone EVIIDIYU, aahiidho munsome Yohani 4:6-9. Nuuvinya mwaakhule makoho anttharelana:

1. Eseeni Yeesu oonne iye, ahinatthi opacera ovaanela ni nthiyana ole?

2. Yeesu aalontte wiira: ‘Nkivahe maadhi oowurya.’ Seeni ela yaraawa enamuna yooreerela ya opaceriha ovaanela?

Etthu Ninhudha nhu ni Ntakihero na Yeesu

2. Woonawene ovaanela onookhumela saana akhala wiira ninawuupusa mwaha okhanle ondhivela owiriyana ntthu nkina.

Muntakihe Yeesu

3. Nkhale a nvayi. Vaavo mumpaceriha nnyu ovaanela, nhithukumelele olukama olotta mwaha nlokihenre nnyu. Masi mpacere olotta etthu ekhumelele naanano atthu awaatta anlotta awa. Mwiikohe wiira:

1. ‘Ihapari seeni dhinlaleiwa mahiku ala?’

2. ‘Etthu seeni enaadhivela olotta anamattamanana aka, atthu kinvarakana nteko aahiidho atthu kinsomaakana oskola?’

4. Nkhale oowehaweha. Mwiikohe wiira:

1. ‘Etthu seeni ntthu ola onvara iye okathi ola? Ndho eseeni onuupuwela iye?’

2. ‘Eseeni enoonihera awa empa-ye, ikuwo ni moopora owanre iye voohima dha dhookhupali ni yoolema ya elapo-ye?’

3. ‘Niire ola okathi wooreerela opacera ovaanela ni ntthu ola?’

5. Nkhele oowiriyana.

1. Nxake olotta vawaatta.

2. Muntumererye ntthu owo olotta mootaphuwa. Vakhala wiira onnireerela, mumpakele makoho.