Oreera Nrima

Etthu Aapanke iye Yeesu

EVIIDIYU: Yeesu Onnimpenusa Nlopwana Ahoona

1. Moone EVIIDIYU, aahiidho munsome Yohani 9:1-7. Nuuvinya mwaakhule makoho anttharelana:

1. Etthu yoopacera Yeesu ampake iye, niire waari ompenusa nlopwana ole ahoona aahiidho waari onlaleerya ihapari dhooreera?—Mmoone Yohani 9:35-38.

2. Etthu yoopacera Yeesu aapanke iye, yaamwiirinhe dhai nlopwana ole otthuna owiriyana ihapari dhooreera?

Etthu Ninhudha nhu ni Ntakihero na Yeesu

2. Ntthu pooti otthuna owiriyana nhupi ninlaleerya nhu akhala wiira onawoona wiira ninninthokorerya saana.

Muntakihe Yeesu

3. Nkhalena othunku. Mwiilipihere wiipweha nipuro na ntthu ni muupuwele owereya onoona iye.

1. Mwiikohe wiira: ‘Eseeni eninxakiha? Eseeni aaya iye woona okhala yootthuneya ni yoohakalaliha?’ Wuupuwelela elo enawookhaliherani omoonihera ntthu owo oreera nrima mwa enamuna ya ephattu ni nrima wootheene.

2. Moonihere wiira munnithokorerya ntthu munwiriyanaka vaavo onlotta iye. Akhala wiira ntthu onnooleelani owereya onoona iye aahiidho mixankiho onviriha iye, nhirukunuse mwaha owo.

4. Nlotte mooreera nrima ni mwa nttittimiho. Moopora munlotta nnyu ni ntthu owo onawoonihera wiira munnimoonela othunku ni munnitthuna onkhalihera. Tivondho oraawa vootthuneya othanlela saana moolumo nnyu ni wuupuwela moopora mun’ya nnyu olotta. Ohiya-vo, nxake olotta moolumo ooveiha.

5. Nvahe ephoole. Moone etthu nkhanle nnyu opaka wiira munkhalihere ntthu. Opaka itthu dhinoonihera oreera nrima pooti omwiiriha ntthu otthuna ovaanela.