Muupuwelele Dhawiiraneya dha Mbiibiliyani

Biibiliya ookhalana dhawiiraneya dhawaatta dhinnihudhiha itthu dhootepa otthuneya. Vaavo nineehererya nhu wuupuwelela itthu dhaairaneya ni yawiiraneya elo, ninoowerya wiiwasasa saana ele ninsoma nhu ni woona etthu ninhudhera nhu. Moone itthu vakhaani dhin’ya wookhaliherani wuupuwelela dhawiiraneya dha mbiibiliyani.

• Nsome ni ndhu nawiiweya. Osoma ni ndhu nawiiweya onawookhaliherani wuupuwelela etthu yaairaneya. Nitho vaavo nninsoma nnyu Biibiliya vamodha ni emudhi nnyu, nnoowerya wiiriha yawiiraneya elo okhala yooreera munvahaka khuta mmodha nritti wa osoma moolumo a ntthu mmodha onlottiwa ni yawiiraneya elo.

• Mweehererye wuupuwelela etthu yaairaneya. Mweehererye odhuwela muupuwelo ni moonelo wa atthu anromoliwa yawiiraneya elo. Mwa ntakihero, mwiikohe wiira: ‘Eseeni yaamwiirinhe ntthu ola olotta dhiidho aahiidho opaka etthu ela? Eseeni kaaya aka olotta aahiidho opaka kaari miyo?’

• Ntesenyari yawiiraneya elo. Otesenyari dhawiiraneya dha mbiibiliyani, pooti wookhaliherani wuupuwelela ni waadhuwela saana atthu anlottiwa yawiiraneya elo, hata nhidhuwelaka otesenyari saana.