Ontaphulelani Ohiirela Mphantta Olumwinku?

Yesu aahaaleela atthareli-ye wiira ‘nyuwo khamuniirela mphantta olumwinku.’ (Yohani 15:19) Ohiirela mphantta olumwinku onhela mpuwa ohikhalana epartiitu voohima dha miyaha dha epoliitika ni ohikhalihera ikhotto dha moolumwinkuni. Masi olotta ekhweeli, kahi etthu yokhweya ohiirela mphantta olumwinku. Woonawene atthu akinaku pooti onitheya mwaha woohipaka elo. Nin’ya owerya dhai ohiirela mphantta olumwinku ni okhala oororomeleya wa Yehova?

1. Niire Makiristau eekhweeli annittittimiha ikuveernu dha apinaatamu?

Makiristau eekhweeli annittittimiha ikuveernu. Mwaha wa elo, ninnipaka ele Yesu onirumme iye airaka ‘munvahe Seesari ekhanle ya Seesari’. Elo entaphulela wiira ninniiwelela malamulo a elapo nhu, nilivaka misoko. (Marko 12:17) Biibiliya onlotta wiira ikuveernu dha apinaatamu dhookhala okhala wiira Yehova ohaakhuleliha. (aRoma 13:1) Tivondho, ninnidhuwela wiira makhulupale a mulaponi aakhalana owerya. Masi awo khaana owerya onxira Muluku. Hiyo noodhuwela wiira Muluku arumeelaka omwene-ye pahi ton’ya owerya omaliha mixankiho dha apinaatamu.

2. Nin’ya woonihera dhai wiira khanniirela mphantta olumwinku?

Nkhama Yesu, hiyo khanniirela mphantta epoliitika. Noomala atthu woona mwiiriirya Yesu apanke iye atthu yaatthuna onkhaliha mwene, masi owo ahikhootta. (Yohani 6:15) Mwaha wa seeni? Etthu aalontte iye nuuvira okathi enninikhalihera odhuwela etthu yamwiirinhe okhootta, owo alontte wiira: ‘Omwene aka kahiyo wa olumwinku ola.’ (Yohani 18:36) Mwaha wookhala ahudheri a Yesu, ninnoonihera wiira khanniirela mphantta olumwinku ola mwa inamuna dhoovirikana . Mwa ntakihero, hiyo khaninrowa okhottoni. (Munsome Mikeya 4:3.) Ohiya-vo, khannikhalihera nnakhala onnyokha nhooleli epartiitu aahiidho epartiitu ya epoliitika. Hiyo ninnoonihera ottittimiha elapo ninkhala nhu, masi khaninkokhorela epantera aahiidho opaka itthu dhinlikana ni okokhorela epantera. (1 Yohani 5:21) Idha inamuna vakhaani ninoonihera nhu wiira ninniroromela ni nrima nhu wootheene ekuveernu ya Muluku.

NHUDHE ITTHU DHIKINA

3. Makiristau eekhweeli khaniirela mphantta olumwinku

Yesu ni atthareli-ye khiyairela mphantta olumwinku, ni hiyo nihaana otthara ntakihero-na. Munsome aRoma 13:1, 5-7 ni 1 Pedru 2:13, 14. Nuuvinya, moone EVIIDIYU ni mwaakhule makoho anttharelana.

EVIIDIYU: Makiristau Ekhweeli Khaniirela Mphantta Olumwinku—Mphantta 1 (4:28)

• Seeni ninreerela nhu ottittimiha ikuveernu dha apinaatamu?

• Inamuna seeni nikhanle nhu woonihera wiira ninniiwelela ikuveernu dha apinaatamu?

Okathi wa ekhotto, atthu akinaku anlotta wiira khankhalihera olumwinku, nuuvira okathi annikhalihera ilapo dhoopili. Masi ontaphulelani ohiirela mphantta olumwinku? Munsome Yohani 17:16. Nuuvinya, moone EVIIDIYU ni mwaakhule nikoho ninttharelana.

EVIIDIYU: Makiristau Ekhweeli Khaniirela Mphantta Olumwinku—Mphantta 2 (3:11)

• Ontaphulelani ohiirela mphantta olumwinku?

Ankhi akhala wiira kuveernu onninivekela opaka etthu enivonyera nlamulo na Muluku? Nsome Miteko 5:28, 29. Nuuvinya, moone EVIIDIYU ni mwaakhule makoho anttharelana.

EVIIDIYU: Makiristau Ekhweeli Khaniirela Mphantta Olumwinku—Mphantta 3 (1:18)

• Akhala wiira nlamulo na apinaatamu ninniniruma opaka etthu enivonyera nlamulo na Muluku, nlamulo seeni ninreerela nhu wiiwelela?

• Niire munnuupuwela inamuna dhikina Makiristau ahinreerela awa owiiwelela makhulupale a elapo?

4. Nhiirele mphantta olumwinku mmuupuweloni ni miteko dhinyu

Munsome 1 Yohani 5:21. Nuuvinya, moone EVIIIDIYU ni mwaakhule makoho anttharelana.

EVIIDIYU: Makiristau Ekhweeli Ahaana Okhala Olipa Nrima Wiira Ehiirele Mphantta Olumwinku (2:49)

• Nkhama moonne nnyu eviidiyu, eseeni yamwiirinhe Ayenge othanla ohiirela mphantta epoliitika ni ohipaka etthu nkhama oloceela epantera?

• Nyuwo nnoona wiira owo oopaka yoothanla yooreera?

Itthu seeni dhikhanle weehererya ohiirela wihu mphantta olumwinku? Moone EVIIDIYU, nuuvinya mwaakhule makoho anttharelana.

EVIIDIYU: Itthu Onhudhiha iye Owehaweha—Ohiirela Mphantta Olumwinku Wookawanyeya (5:16)

• Nin’ya owerya dhai ohiirela mphantta olumwinku akhala wiira elapo nhu enimweetta xooku ni elapo ekina?

• Nin’ya woonihera dhai ohiirela mphantta olumwinku akhala wiira dhoothanla dha nhooleli mmodha a epoliitika dhinniniphwanyiha mireerelo aahiidho mixankiho?

• Itthu niniiwa nhu dhilottiwaka ni dhilaleiwaka ni atthu akina dhin’ya ohoonona dhai ohiirela wihu mphantta olumwinku?

WUULUULA

Makiristau eekhweeli anniilipihera vawaatta ohiirela mphantta olumwinku, mmuupuweloni, moolumo ni miteko.

Ipontu dhuulupale

• Eseeni ninreerela nhu waavaha makhulupale a elapo?

• Seeni ninreerela nhu ohiirela mphantta olumwinku?

• Itthu seeni dhikhanle weehererya ohiirela wihu mphantta olumwinku?

NTHOKODHE ITTHU DHIKINA

Itthu seeni ninreerela nhu opaka wiira nihiirele mphantta olumwinku?

Yehova Khahin’ye Onikhapelela 3:14

Itthu seeni imudhi dhinreerela wa opaka wiira dhiireherye kalayiru ehinatthi okhumelela yaweeha ya ohiirela mphantta olumwinku?

Nhiirele Mphantta Miyaha dha Elapo 4:25

Seeni waakihera elapo ohinreerela awa okhala nttittimiho nuulupale ntthu onreerela iye okhalana?

‘Muluku Onniwerya Opaka Itthu Dhootheene’ 5:19

Moone moopora woohiirela mphantta olumwinku vaavo mumpaka nnyu yoothanla voohima dha nteko.

‘Khuta Ntthu On’ya Opwesera Nritti-ye’ (A Sentinela, 15 de Março  de 2006)