გაკვეთილი 7

ზუსტ დო სანდო ინფორმაცია

ლუკა 1:3

მთავარ აზრი: გეგმირინე სანდო წყარო, ნამდა ქიმეხვარე აუდიტორიას ქიმერთას სწორ დასკვნაშა.

მუჭო შეილებ თეშ კეთება:

დოგორ დო გეგმირინე სანდო წყაროეფ. ორაგადე გერსხილ გაფდას ღორონთიშ სიტყვაშა დო შეიოლებერ ქორენ-და, პირდაპირ ბიბლიაშე წეკითხ. მეცნიერულ ფაქტის, ახალ ამბეს, შემთხვევას ვარდა შხვა ინფორმაციას გიმირინუანქ-და, წინასწარ შეამოწმჷ ქორენ დოვარ თინა სანდო დო ახალი.
სწორას გეგმირინე წყაროეფ. ბიბლიურ მუხლეფიშ ენწყუმაშ დროს გეთვალისწინ კონტექსტი, თე საკითხიშ გურშენ შხვა ბიბლიურ მუხლეფ დო „ართგურ დო გონიერ მონაშე“ მეღებულ პუბლიკაციეფს მოჩამილ ინფორმაცია (მათ. 24:45). შხვა წყაროეფს გეგმირინუანქ-და, დერწმუნ, ნამდა თინა კონტექსტშე ეჩილათირ ვა რე დო ზუსტას გინოჩანს მაჭარალიშ ორაგადეს.

ვამუძინა ფაქტეფს დო მონაცემეფს. ფრთხილას რდა, ნამდა თიცალ სიტყვეფ, მუნერით რე „ნამთინე პიროვნება“ ვა თირუა სიტყვეფით „ხალხიშ უმენტაშ“, ვარდა „მინშა“ სიტყვათ „ირიათო“ დო სიტყვეფ „შილებე თაშ ვა მოხვალამე“ სიტყვეფით „შეიოლებერ ვა რე თაშ ქუმოხვალამედკო“.
ქიმსჯელ აუდიტორიაწკუმა. ბიბლიურ მუხლიშ კითხირიშ ვარდა ნამდგაინ წყაროშე ციტირებაშ უკულ, ქუდასვ ტაქტიან კითხვეფ ვარდა ქიმიჸონ მაგალით, ნამდა ქიმეხვარე აუდიტორიას მუშით გეგშეღას დასკვნა.