გაკვეთილი 11

ენთუზიაზმი

რომაელები 12:11

მთავარ აზრი: რაგადიშ დროს გეგმირჩქინ ენთუზიაზმი დო ქიმეხვარ აუდიტორიას ქიმოქმედას.

მუჭო შეილებ თეშ კეთება:

შურდოგურით რაგადე. მომზადებაშ დროს ქიფიქრ, მუსხით მნიშვნელოვან რე თი ამბე, ნამდგას გინოჩანქ. მასალას ჯგირო მამზადენქ-და, თენა მიგეხვარებ მთელ გურით ქიჩუე.
ქიფიქრ სქან აუდიტორიაშე. დეფიქრ, მუ ჯგირობუას მოუღანს შხვეფს თი ინფორმაცია, ნამდგას სი უკითხენქ ვარდა ოგურუანქ. ქიფიქრ, მუჭო შეილებ ორაგადე თეშ ქოთქუე, ნამდა ხალხიქ ქოძირას, მუ ჯგირობუას მოუღანს თინა.
გეგმოხანტ ემოციეფ. ენთუზიაზმით იჩი. ჩიებაშ დროს გეგმირინე ბუნებრივ ჟესტეფ დო სახეშ მიმიკეფ, ნამდა გეგმოხანტე გრძნობეფ.

ქეცად, ართნერ ჟესტეფ თიცალ ხშირას ვეგმირინუე, ნამდა თეთ ზედმეტ ყურადღება ქიმიქცუე. გეგმირინე თიცალ ჟესტეფ, ნამუთ სქან რაგადის მეურე. ენთუზიაზმით იჩი, განსაკუთრებულო თიმწკუმა, მუჟამსით მთავარ აზრის გინოჩანქ დო გოკო, მით გირჩქილენ თინეფქ ქიმოქმედან. ქეცად, ნაბეტან ენთუზიაზმით ვეჩუე, მუშენდა პიროვნება ვეგნოშულიდე.