Alijiganyeje Mwakusamala Mnope Kuti Apateje Mfundo Syakamuchisya

Aŵalanje Daniele 9:​1-19 kuti alole umbone wakulijiganya mwakusokoka.

Ajipikanichisyeje ngani josopejo. Ana ni yindu yapi yayagambile kumtendechela kwene Daniele, soni yamkwayiye chamti uli? (Dan. 5:29–6:5) Ana wawojo akapikene uli yikaŵe kuti ŵaliji Daniele?

Awungunyeje. Ana ni “mabuku geswela” gapi gele komboleka kuti Daniele jwaŵalasile? (Dan. 9:2; w23.08 p.4 ¶7) Ligongo chichi Daniele jwajitichisye yakulemwa yakwe soni yakulemwa ya mtundu wa Ayisalayeli? (Lef. 26:​39-42; 1 Ayi. 8:​46-50; dp 182-184) Ana lipopelo lya Daniele lyalosisye chamti uli kuti jwalijiganyaga Maloŵe ga Mlungu mwakusamala?—Dan. 9:​11-13.

Aganichisyeje yindu yalijiganyisye. Mpaka aliwusye kuti:

• ‘Ana mpaka ndende uli kuti yakutendekwa ya m’chilambochi yikasokonasya?’ (Mik. 7:7)

• ‘Ana kulijiganya Maloŵe ga Mlungu mwakusamala mpela muŵatendelaga Daniele mpaka kungamuchisye chamti uli?’ (w04 8/1 12 ¶17)

• ‘Ana ni ngani syapi syangusosekwa kulijiganya syampaka singamuchisye ‘kuŵa mesope’?’ (Mat. 24:​42, 44; w12 8/15 5 ¶7-8)