Ana Yehofa Akusatupikana M’weji?

Mlungu akusapikana mapopelo getu. 1 Petulo 3:12

Yehofa ali “Jwakupikana lipopelo.” (Salimo. 65:2) Akusaka kuti m’weji tuŵecetaneje ni jwalakwe kutyocela mumtima.

Apopeleje kwa Yehofa, ngaŵaga kwa jwine jwalijose.

Mpaka tusaleje yindu yejinji m’mapopelo getu. 1 Yohane 5:14

Apopeleje kuti lisosa lya Mlungu litendekwe kwinani, soni pacilambo capasi.

Am’ŵendeje Yehofa kuti ŵakamucisye kutenda yayili yambone. Kombolekasoni kum’ŵenda kuti ŵakamucisye kupata yakulya, masengo, pagona, yakuwala, soni cilu cambone.

Apopeleje mu lina lya Yesu, pakulosya kuti akusayamicila yaŵatesile jwalakwe kwa wawojo.