Ana Uchimwene wa Mlungu uli Chichi?

YAJIKUSASALA BAIBULO

“Mlungu jwakwinani chachitamilisya uchimwene wangasiwujonasika.”​—Danieli 2:​44, Baibulo la Dziko Latsopano.

“Mwanache apagwile kwa m’weji, soni ulamusi wakwe uchiŵa pekoyo pakwe.”​—Yesaya 9:6.

ANA YELEYI YIKUTUKWAYA CHAMTULI?

• Tuchikola boma jachilungamo jampaka jikamuchisye jwalijose pajika.​—Yesaya 48:17, 18

• Tuchikola umi wamlama, soni wakusangalala m’chilambo chasambano chachikwisacho.​—Chiwunukuko 21:3, 4.

ANA YISYENE TUKULUPILILEJE YAJIKUSASALA BAIBULO?

Elo, pamagongo gaŵili aga:

• Yesu ŵalosisye yawuchikwanilisya Uchimwene wa Mlungu. Yesu ŵajigenye ŵakumkuya ŵakwe kuti apopeleleje Uchimwene wa Mlungu kuti uyiche, soni kuti lisosa lya Mlungu litendekwe pachilambo chapasi. (Mateyu 6:9, 10) Yesu ŵalosisye mwachachijanjila Mlungu lipopelo lyelelyo.

  Ali pachilambo chapasi, Yesu ŵapele chakulya ŵasala, ŵaposisye ŵakulwala, ŵapelesoni umi ŵawe! (Mateyu 15:29-38; Yohane 11:344) Mpela Jwakulamulila jwa m’sogolo jwa Uchimwene wa Mlungu, Yesu ŵalosisye chiwulili cha yindu yawuchatendela ŵandu Uchimwenewo.​—Chiwunukuko 11:15

• Yakutendekwa pachilambo chapasi yikulosya kuti Uchimwene wa Mlungu chiwuyiche pamkaŵa. Yesu ŵasasile kuti Uchimwene mkaniwuyikasye mtendelele pachilambo chapasi, chilambo chichigumbala ni ngondo, sala, soni yisichinya.​—Mateyu 24:3, 7.

  Moŵa agano tukusayiwona yindu yeleyi yili mkutendekwa. M’yoyo mpaka tuŵe ŵakusimichisya kuti Uchimwene wa Mlungu chiwumasye yakusawusya yosopeyi pamkaŵapa.