Ana Mpaka Tukosechele Chamtuli?

Ngosi sya chilengedwe mpela chifomelesi, mbungo jamachili, moto, kusefuchila kwa mesi soni wula jagwisya majumba mpaka yitendekwe mwangajembecheya soni mpaka yijonanje mnope. Ana tuli ŵakoseka naga ngosi ja chilengedwe jitendekwe m’dela jetu? Konjechesya pelepa yindu mpela kwimuchila, yachiwawa soni milili yikusatendekwa kulikose soni mwangajembecheya. (Jwak. 9:11) Tukaganisyaga kuti yindu mpela yeleyi nganiyiŵa yitendekwe kumalo kwatukutama.

Jwalijose akusosekwa kuganichisyaga yindu yampaka atende pakosechela ngosi sya chilengedwe. (Mis. 22:3) Atamose kuti Likuga lya Yehofa likusapeleka chikamuchisyo pandaŵi jajitendekwe ngosi ja chilengedwe, nambo yeleyi ngayikugopolela kuti nganitukola udindo wakosechela.—Aga. 6:5.

ALOSYE FIDIYO JAKUTI, ANA MPAKA TUKOSECHELE CHAMTULI NGOSI SYA CHILENGEDWE? KANEKO AJANJE YIWUSYO AYI

• 

  Ana kuŵa paunasi ni Yehofa mpaka kutukamuchisye chamtuli pajitendekwe ngosi ja chilengedwe?

• 

  Ligongo chichi yili yakusosekwa mnope . . .

  • • kuti tulumbikaneje ni achakulungwa wa mumpingo mkanijitendekwe, pajikutendekwa soni pajitendekwe ngosi ja chilengedwe?

  • • kosechela yindu yakamuchisya pangosi?​—g17.5 6

  • • kukambilana mitundu jangosi sya chilengedwe syampaka sitendekwe soni yampaka tutende?

• 

  Ana ni matala gatatu gapi gampaka twakamuchisye ŵane ŵasimene ni ngosi ja chilengedwe?