Yakamuchisya Pakulijiganya

Yampaka Tutende Kuti Tupateje Mfundo Syakamuchisya Syakwamba Yehofa

Patukuŵalanga Baibulo, mpaka tuwungunye yindu yine kuti tupikanichisye yatukuŵalangayo. Nambope, ngatukusagamba kulijiganya kuti tugambe konjechesya lunda lwetu lwakujimanyilila chenene Baibulo. Mmalomwakwe, tukusasaka kupata mfundo syakamuchisya syakwamba ndamo syakwete Yehofa syampaka situtendekasye kuti tumnonyeleje mnope. Kuti tukombole kutenda yeleyi, tukusosekwa kuliwusyaga kuti, ‘Ana ngani janguŵalanga m’Baibuloji jikunjiganya chichi pakwamba ya Yehofa?’

Mwachisyasyo, mpaka alinje kupata maumboni gakulosya yaŵele ali mkutenda Yehofa pakulosya chinonyelo, lunda, chilungamo, soni machili. Nambope, panasoni ndamo sine syambone mnope syakwete Yehofa syampaka alijiganye. Ana mpaka apate kwapi ngani sine syakwamba ndamo syakwe?

Alole Kabuku Kakamuchisya Kuwungunya Ngani ka Mboni sya Yehofa pa mtwe wakuti “Yehofa Mlungu” kaneko ajawule pa kamtwe kakuti “Ndamo sya Yehofa.” Kaneko mpaka alijiganye ndamo syasikukamulana ni ngani jakuŵalanga m’Baibulo.