Schedule Ko Service Meeting
Wik ko August 11
10 min: Local announcement. Ngan weliy murung’agen e pi magazine nib biech min deeriy e ulung ko pi article ni bay ko pi babyor nem nra adag e girdi’ u lan binaw nge mang fan. Ngan pining e girdi’ ngar weliyed boch ban’en ni kar lemnaged ni ngar tamilangnaged ko pi article riy. Mang deer e rayog nni fith min tababnag e sabethin? Mang thin nu Bible ni bay ko pi article nem e rayog nni bieg? Rayog ni ngan dag reb e demonstration u rogon ni ngan fanay e pi presentation ni kan weliy.
15 min: Mu Rin’ e Tin nib M’agan’ Got Ngay Ndab Mu Pag Ban’en nge Magawonnagem. Welthin nib puluw ko fare babyor ni “Come Be My Follower,” ko page 93-94, paragraph 12-13.
20 min: “Ga Be Fanay Nrib Fel’ Rogon, Fa?”a Ngan interviewnag reb e publisher ni ke fanay reb e thin ko fare Wulyang Ntagil’ E Damit ni keb angin. Rayog ni ngan dag rogon.
Wik Ko August 18
10 min: Local announcement nge boch e Announcement ni bay ko Machib Rodad Ni Fan Ko Gil’ilungun Got. Ngan weliy fare thin ni “Bin nib Beech e Program ko Bin Migid e Circuit Assembly.” Nga nog e date ko bin migid e circuit assembly nfaanra yimanang. Mi nog ko girdi’ ni ngar feked fare Wulyang Ntagil’ E Damit ko September 1 nge fare Awake! ko September ko bin migid e Service Meeting mar fl’eged rogorad ni ngar weliyed rogon ni ngan wereg e gal magazine ney ko gin ni yima machib riy.
20 min: Rogon e Munmad Rodad nge Rogon ni Gad ma Fl’eg Yaadad e ma Pining e Sorok ku Jehovah. Reb e piilal e ra pi’ e re welthin ney. Bochan ni Jehovah e ba Got nib thothup, ma aram fan nib ga’ fan ni nge par e girdi’ rok nib beech dowrad. (Ex. 30:17-21; 40:30-32) Faanra ba yaram e munmad rodad nge yaadad u nap’an e machib ma aram e gad ra felan’nag Jehovah maku gad be pining e sorok ngak. (1 Pet. 2:12) Ma faanra dabda rin’ed ni aram rogon ma rayog ni ‘yog be’ nib kireb e thin ni yib rok Got.’ (Titus 2:5) Ngan weliy boch e experience u rogon ni ke yog ni nge machib boch e publisher ni bochan e ba yaram e munmad rorad nge yaarad.
15 min: Pi Fel’ Yangaren ni Ma Machib nib Gel. Ba welthin nra pi’ e athamgil nga laniyan’ e piin gallabthir nge pi fakrad nra sul nga skul. Nga nog ko pi fel’ yangaren ni ngar guyed rogon ni ngar machibgad. Ra ka bay e tayim riy min pining e girdi’ ngar weliyed reb e experience ko machib ni kar ted u skul.
Wik ko August 25
15 min: Local announcement. Ngan bieg e report ko salpiy nge ayuw ni kan pi’. Min weliy fare welthin ni kenggin e “Bin nib Beech e Program ko Bin Migid e Special Assembly,” mi nog e date ko bin migid e special assembly nfaanra yimanang.
15 min: Tin nib t’uf ko ulung.
15 min: Ngan Fl’eg Rogoy ni Ngan Wereg e Tin nib Biech e Magazine. Ngan deeriy ko ulung. Ngan weliy boch ban’en u murung’agen fare Wulyang Ntagil’ E Damit ko September 1 nge Awake! ko September. Ngan fith e girdi’ ko tin ngan e thin ni bay riy e ra adag e girdi’ u lan binaw, nge deer nge thin ko Bible nrayog ni ngan fanay nge tamilangnag fare thin. Ngan dag reb e demonstration nib puluw nga reb e presentation ni bay ko Machib Rodad Ni Fan Ko Gil’ilungun Got. Reb e piilal e ra demonstratnag rogon nra weliy reb e thin riy nib m’ag ko binaw.
Wik ko September 1
10 min: Local announcement. Nga nog ko pi publisher ni ngar pied e report rorad ko August.
20 min: Goo Yad Machane Danir Pag Tilrad. Welthin ni bay ko The Watchtower ko thin ni Meriken ko April 15, 2008 ko page 25-28. Nga nog boch e pi walag ni Kristiano u lan e ulung ni yad be par ko nursing home. Ma faanra dariy min fanay e thin ko fare article ni ngan pi’ e athamgil riy ngak e girdi’ ko ulung ni ngar ayuweged e piin nib m’ar ndabiyog ni ngar uned ko muulung.
15 min: Ngan Wereg fare babyor ni Rayog Ni Ngam Par Ni Gab Fas U Paradis U Fayleng min Nameg ni Ngan Tababnag e Bible study. Ngan deeriy ko ulung. Nap’an e pul ni September ma gad ra wereg fare babyor ni Rayog Ni Ngam Par Ni Gab Fas U Paradis U Fayleng. Ngan sul nga daken e thin ni bay ko fare insert ko Machib Rodad Ni Fan Ko Gil’ilungun Got ko January 2005 min demonstratnag rogon ni ngan tababnag e Bible study ngak e return visit.
[Boch e Thin nra Tamilangnag Murung’agen]
a Dabni pag taareb e minit ni ngan weliy e tin som’on e thin ngemu’ min deeriy ko ulung.