10 Nítorí ìwà ìkà tí o hù sí Jékọ́bù ọmọ ìyá rẹ,+

Ojú yóò tì ọ́,+

Ìwọ yóò sì ṣègbé títí láé.+

11 Ní ọjọ́ tí ìwọ ta kété sí ẹ̀gbẹ́ kan,

Ní ọjọ́ tí àwọn àjèjì mú àwọn ọmọ ogun rẹ̀ lẹ́rú,+

Nígbà tí àwọn àjèjì gba ẹnubodè rẹ̀ wọlé, tí wọ́n sì ṣẹ́ kèké+ lórí Jerúsálẹ́mù,

Ìwọ náà ṣe bíi tiwọn.

12 Kò yẹ kí o fi ọmọ ìyá rẹ ṣe yẹ̀yẹ́ ní ọjọ́ tí àjálù bá a,+

Kò yẹ kí o yọ̀ lórí àwọn ọmọ Júdà ní ọjọ́ tí wọ́n ń ṣègbé lọ,+

Kò sì yẹ kí o máa fọ́nnu ní ọjọ́ wàhálà wọn.

13 Kò yẹ kí o wọ ìlú* àwọn èèyàn mi ní ọjọ́ àjálù wọn,+

Kò yẹ kí o fi í ṣe yẹ̀yẹ́ ní ọjọ́ àjálù rẹ̀,

Kò sì yẹ kí o fọwọ́ kan ohun ìní rẹ̀ ní ọjọ́ àjálù rẹ̀.+