4 Kí ló dé tí ẹ fi ṣe báyìí sí mi,

Tírè, Sídónì àti gbogbo ilẹ̀ Filísíà?

Tó bá jẹ́ ẹ̀san lẹ̀ ń gbà,

Ṣe ni màá yára dá a pa dà sórí yín láìjáfara.+

 6 Ohun tí Jèhófà sọ nìyí,

‘“Nítorí ìdìtẹ̀ mẹ́ta ti Gásà+ àti nítorí mẹ́rin, mi ò ní yí ọwọ́ mi pa dà,

Nítorí wọ́n kó gbogbo àwọn èèyàn nígbèkùn,+ wọ́n sì fà wọ́n lé Édómù lọ́wọ́.

 7 Torí náà, màá rán iná sí ògiri Gásà,+

Á sì jó àwọn ilé gogoro rẹ̀ tó láàbò run.

 8 Màá pa àwọn tó ń gbé Áṣídódì run,+

Àti àwọn tó ń ṣàkóso* ní Áṣíkẹ́lónì;+

Màá fìyà jẹ Ẹ́kírónì,+

Àwọn Filísínì tó ṣẹ́ kù yóò sì ṣègbé,”+ ni Jèhófà Olúwa Ọba Aláṣẹ wí.’

 4 Nítorí Gásà máa di ìlú tí a pa tì;

Áṣíkẹ́lónì á sì di ahoro.+

Áṣídódì ni wọ́n á lé jáde ní ọ̀sán gangan,*

Ẹ́kírónì ni a ó sì fà tu.+

 5 Áṣíkẹ́lónì á rí i, ẹ̀rù á sì bà á;

Gásà yóò jẹ̀rora,

Bẹ́ẹ̀ náà ni Ẹ́kírónì, torí pé ìrètí rẹ̀ ti di ìtìjú.

Ọba kan yóò ṣègbé ní Gásà,

Ẹnì kankan kò sì ní gbé ní Áṣíkẹ́lónì.+