39 Ní àkókò yẹn, ọba Bábílónì, ìyẹn Merodaki-báládánì ọmọ Báládánì, fi àwọn lẹ́tà àti ẹ̀bùn ránṣẹ́ sí Hẹsikáyà,+ torí ó gbọ́ pé Hẹsikáyà ṣàìsàn, ara rẹ̀ sì ti yá.+ 2 Hẹsikáyà kí wọn káàbọ̀ tayọ̀tayọ̀,* ó sì fi ohun tó wà nínú ilé ìṣúra rẹ̀ hàn wọ́n,+ ìyẹn fàdákà, wúrà, òróró básámù àti àwọn òróró míì tó ṣeyebíye, pẹ̀lú gbogbo ilé tó ń kó ohun ìjà sí àti gbogbo ohun tó wà nínú àwọn ibi ìṣúra rẹ̀. Kò sí nǹkan tí Hẹsikáyà kò fi hàn wọ́n nínú ilé* rẹ̀ àti ní gbogbo agbègbè tó wà lábẹ́ àkóso rẹ̀.