Mambote mbi kutakana kithuadi ayi baphangi zieto kueta kutunatina?

Beto Zimbangi zi Yehova tueta tula ngolo tubika kondo ku zikhutukunu zieto, yiba muini wu ngolo, mvula, kiozi kiwombo, ata yilombolo tuzengisa nsitu wunene voti sabuka minlangu. Bila mbi tueta tudila ngolo tukutakana kithuadi ayi ziphangi zieto kadiambu ko tuidi mu ziphasi zi luzingu, voti tuidi bavonga ku manima kisalu?

Mu diambu di mambote meto. Polo wusonika mu diambu di bobo tueta kutakana yawu mu kimvuka ti: “Tusungasananga beto na beto.” (Ebeleo 10:24) Phova yoyi yimonisini “yindula mbote,” yintia tuba zabasana mbotembote. Diawu, phova yi ntumua Polo yikutukindisa ti tufueti zabasana mbotembote ayi bankaka. Mu thangu tulembo tombi zaba baphangi bankaka ba kimvuka, tuela mona ti bankaka mu bawu banunga ziphasi ziozi zidedikini ayi zieto, ayi balenda kutusadisa tununga.

Kueta kindisa kikundi kieto. Batu bo beta kutakana yeto basi ko batu kaka bo bazabini yeto, vayi bakundi beto ba nzola. Thangu zinkaka, tueta viokisa thangu va kimosi ayi baphangi zieto muingi mu yangalala kithuadi mu phila yifuana. Mambote mbi tueta baka e? Kueta kutusadisa tuzabana ayi yangalala mu bikadulu bimbote bi baphangi zieto, ayi kueta yedisa nzola eto. Enati baphangi zieto bakutini diambu di phasi, tuzimuninanga ko mu kubasadisa, bila tuyika bakhomba. (Zingana 17:17) Enati tulembo yukana ayi baphangi boso ba kimvuka, tuela monisa ti beto boso tueta ‘bela badieto mayindu mambote.’—1 Kolinto 12:25, 26.

Tukukindisa wutomba bakundi bobo beta vanga luzolo lu Nzambi. Wela baka bakundi beni mu khati zi Zimbangi zi Yehova. Kadi vana nsua kudi kima kimosi kikandika wukutakana yeto.

• Bila mbi yididi mu diambu di mambote meto mu kutakana kithuadi ayi baphangi zieto?

• Lumbu mbi tidi kuiza tadi kimvuka kieto?