DILONGI 34
Bue tulenda monisina ti tueta zola Yehova?
Tona wutona longuka Bibila, wulembo kimoni ti weka pfipfika ayi Nzambi? Tidi tatamana yonzula kikundi kiaku ayi niandi? Bobuawu Yehova kakuiza muena luzolo luaku lum’buelimina kuidi niandi, buawu phe Yehova kakuiza luti zodila ayi kukeba. Bue wulenda kummonisina ti weta kun’zola?
1. Bue wulenda monisina Yehova ti weta kun’zola?
Tueta monisa ti tueti zola Yehova mu thangu tueta kuntumukina. (Tanga 1 Yowani 5:3.) Yehova kakuikanga ko batu mu kingolo bantumukina; weta zola ti mutu niandi veka kasobula kuntumukina voti kadi kuntumukina. Diawu mosi wunyangidika, wufueti “kuntumukina mu ntim’aku.” (Loma 6:17) Mu thubulu yinkaka, Yehova katianga ko wuntumukina mu kuiku vayi niandi weta zola wuntumukina mu luzolo luaku loso. Tini kintatu (3) ayi tini kinya (4) ki buku yayi makisadisa wumonisa ti weta zola Yehova mu vanga mambu momo meta kunyangidika ayi mu loza mambu momo kamanyangidikanga ko.
2. Bila mbi thangu zinkaka yilenda bela phasi mu monisa Yehova ti tueta kun’zola?
“Mutu wusonga wumbuilungu ziphasi ziwombo.” (Minkunga 34:19) Betu boso tueta nuanisa kambu kueto kulunga. Tueta dengana phe mambu makututatikisa, banga kambu ku zimbongo, kambu kubusonga ayi mambu mankaka ma ziphasi. Mu bila ki mambu beni momo, thangu zinkaka yilenda ba phasi mu vanga mambu momo Yehova keta kututomba ayi kambu kuntumukina yilenda ba diambu dilutidi kambu phasi mu vanga. Vayi bulendakana mambu beni momo, ti tumukini kaka Yehova, buawu mawumonisina ti weta kun’zola viokila bima bioso. Ayi mawumonisa ti widi wukuikama kuidi niandi. Niandi phe Yehova makamonisa kuikama kuidi ngeyo. Kadi khumbu kela kuyekula.—Tanga Minkunga 4:3.
TUVISA MBOTI MBOTI
Tutala bila mbi tumamana kueto kuididi mfunu kuidi Yehova ayi tutubila mambu mo mafueti tusadisa tuba bakuikama kuidi niandi.
3. Disolo dimosi ditadidi
Nkanda Yobi wulembo tumonisa ti Satana kasi funda ko kaka Yobi vayi wufunda phe batu boso bobo batidi sadila Yehova. Tanga Yobi 1:1, 6–2:10 ayi vana mimvutu mu biuvu biabi:
Mu tadila Satana, bila mbi Yobi keba tumukinanga Yehova?—Tala Yobi 1:9-11.
Diambu mbi Satana kafundila batu boso ayi ngeyo veka?—Tala Yobi 2:4.
Tanga Yobi 27:5b ayi vana mvutu mu kiuvu kiaki:
Bue Yobi kamonisina bukiedika ti weba zolanga Yehova?
Yobi wumonisa ti weba zolanga Yehova mu thangu katatamana ba wukuikama kuidi niandi
Matumonisa ti tueta zola Yehova mu tatamana ba bakuikama kuidi niandi
4. Yangidika ntima Yehova
Tanga Zingana 27:11 ayi vana mimvutu mu biuvu biabi:
Yehova bue keta muena mu thangu wumvangila mambu mu nduenga ayi mu thangu wunkutumukina? Bila mbi?
5. Wulenda ba wukuikama kuidi Yehova
Luzolo kuidi Yehova lueta tutuma tutubila mambu mandi kuidi batu bankaka. Thangu zinkaka weta mona phasi mu tubila mambu ma Yehova kuidi batu bankaka. Tala VIDEO ayi vana mimvutu mu biuvu biabi bilandikini.
Thangu zinkaka phasi weta mona mu tubila mambu ma Yehova kuidi batu bankaka?
Mbi bisadisa Grayson kabotula tsisi?
Yisi ko phasi mu ba wukuikama kuidi Yehova ti tuzodidi mambu momo keta zola ayi tulendidi mambu momo keta lenda. Tanga Minkunga 97:10 ayi vana mimvutu mu biuvu biabi:
Wulenda tanga ndambu mambu momo Yehova keta zola? Wulenda tanga ndambu mambu momo keta lenda?
Bue wulenda longukila zola mamboti ayi lenda mambu mambimbi?
6. Tumukina Yehova kueta natina mutu mamboti
Mu mambu moso momo tulenda vanga, tumukina Yehova diawu diambu dilutidi mboti. Tanga Yesaya 48:17, 18 ayi vana mimvutu mu biuvu biabi:
Wulenda ba sikididi ti Yehova zebi thangu zioso mambu malutidi mamboti mu diambu di betu? Bila mbi?
Tona wutona longuka Bibila ayi zaba Nzambi yi kiedika Yehova, mamboti mbi mebaka?
BATU BANKAKA BETA TUBA TI: “Nzambi kakipangandi ko mambu momo tueta vanga.”
Verse mbi wulenda kubantangisa mu kubamonisa ti mambu mo tumvanga malenda yangidika Yehova voti kummonisa kiadi?
MU BUKHUFI
Wulenda monisa ti weta zola Yehova, mu thangu wukuntumukina ayi mu thangu wuntatamana ba wukuikama kuidi niandi kadiambu ko ziphasi.
Phutukulu
Mambu mbi melonguka mu kifuani ki Yobi?
Bue wulenda monisina ti weta zola Yehova?
Mbi bilenda kusadisa wutatamana ba wukuikama kuidi Yehova?
TALA MAMBU MANKAKA
Bue wulenda bela wukuikama kuidi Yehova ayi kuidi bakhomba mu kimvuka?
Mambu mawombo matadidi pfundulu yi Satana mu diambu di batu.
“Yobo abateli bosembo na ye” (Biblia—ezali na nsango nini?—Eteni 6)
Bue bana phe balenda monisina ti beta zola Yehova?
Bue bantueni balenda tatimina ba bakuikama kuidi Nzambi kadiambu ko batu bankaka balenda ku bakuika mu kingolo bavanga mambu mambimbi?