DILONGI 51
Bue ziphova ziaku zilenda zitisila Yehova?
Tuba, didi dikaba dimboti dio Yehova kavana kuidi batu. Bufueni kuandi kalandakana phila yo tueta sadila dikaba dieto di tuba. (Tanga Zaki 1:26.) Tutala bue tulenda zitisila Yehova mu phil’eto yi tubila.
1. Bue bu sadila bumboti mboti dikaba batuveni di tuba?
Bibila kitubidi ti: “Lutatamana lubasana ayi lutungasana beno na beno.” (1 Tesalonika 5:11) Zebi mutu mosi nio wulembo tombi baka lukindusu? Bue wulenda kunkindisila? Wulenda kunkamba ti mfunu kadi va meso maku ayi kum’bambula moyo mu mambu mamboti mo kakala. Wulenda yindula verse mosi yi Bibila yo yilenda kindisa mutu mosi? Ziverse zidi kuandi ziwombo zio wulenda sadila. Kadi banza ti ziphova zio tunkamba mutu ziawu kaka zidi mfunu, vayi phe kadi zimbakana ti phil’eto yi tubila mfunu wombo yidi. Diawu, tubila thangu zioso mu phila yi lembama ayi yi zanti.—Zingana 15:1.
2. Phila mbi yimbimbi yi thubulu mukristu kafueti manga?
Bibila kitubidi ti: “Mambu mambimbi mabika totukila mu miunu mieno.” (Tanga Efeso 4:29.) Diawu tufueti manganga thubulu yoso yi buzengi, ayi tsembolo yo yinlueka mutu. Tufueti manga phe bulanga masolo mambimbi ayi tulanga kibuezi.—Tanga Zingana 16:28.
3. Bue butubilanga ziphova zio zitunganga batu bankaka?
Nduka nduka mambu mo tueta yindula mawu tueta tuba. (Luka 6:45) Diawu yididi mfunu mu tulanga mayindu meto mu mambu mamboti, ‘mu mambu moso masonga, mu mambu moso mavedila, mu mambu moso mafueni zola, mu mambu moso mayenda tsangu yimboti.’ (Filipi 4:8) Muingi tununga kubutudila, tufueti zaba mboti sobula phiokosolo’eto thangu ayi bakundi beto. (Zingana 13:20) Didi diambu dimboti mu yindulanga tuamina tutuba ayi kukiyuvulanga mambu tuntuba mbi malenda tula kuidi batu bankaka. Bibila kitubidi ti: “Ziphova zimbimbi zieta lueka banga sabala vayi ludimi lu batu badi nduenga lueta vukisa.”—Zingana 12:18.
TUVISA MBOTI MBOTI
Tuluta tala diaka bue phil’eto yi tubila yilenda zitisila Yehova ayi kindisa batu bankaka.
4. Bue busungikila phil’eto yi tubila
Betu boso thangu zinkaka tueta kuiza niongina mu mambu mo tutubidi. (Zaki 3:2) Tanga Ngalatiya 5:22, 23 ayi vana mimvutu mu biuvu biabi:
Mu bikadulu bio tume mona mu verse yayi, mu diambu di wununga sungika phil’aku yi tubila, bikadulu mbi wufueti lomba kuidi Yehova kasadisila wuba na biawu? Mu mambu mbi bikadulu beni biabi bilenda kusadisila? Bila mbi?
Tanga 1 Kolinto 15:33 ayi vana mvutu mu kiuvu kiaki:
Mambu mbi bakundi ayi phiokosolo’aku yi thangu bilenda kutula mu phil’aku yi tubila?
Mbi bilenda tula ti thubulu’eto yiba yimboti voti yimbimbi?
Tanga Mpovi 3:1, 7 ayi vana mvutu mu kiuvu kiaki:
Thangu zinkaka mu mambu mbi tufueti bela suii ayi tomba thangu yi tubila?
5. Tubilanga mamboti ma batu bankaka
Bue bumangina tubilanga ziphova zio zinlueka voti zio zimbimbi? Tala VIDEO ayi vana mimvutu mu biuvu biabi.
Mu video yayi diambu mbi khomba wubakala kayiza bakula mu phil’andi yi tubila?
Mbi katula mu diambu di kabaluka?
Tanga Mpovi 7:16 ayi vana mvutu mu kiuvu kiaki:
Thangu weka ntubidila mutu mu phila yimbimbi, diambu mbi wufueti bambukila moyo?
Tanga Mpovi 7:21, 22 ayi vana mvutu mu kiuvu kiaki:
Enati mutu mosi wulembo tubidila mu phila mosi yimbimbi, bue ziverse ziazi zilenda kusadisila?
6. Tubila mu bumboti kuidi batu ba dikanda diaku
Yehova tidi ti mu dikanda tutubasananga mu phila yimboti ayi mu phila yi zanti. Tala VIDEO ayi vana mvutu mu kiuvu kiaki kilandikini.
Mbi bilenda kusadisa wutubilanga mu zanti kuidi basi dikanda diaku?
Tanga Efeso 4:31, 32 ayi vana mvutu mu kiuvu kiaki:
Ntindu mbi wu ziphova wulenda yangidika basi dikanda diaku?
Yehova wumonikisa kuidi batu phila yo keba muenanga muan’andi. Tanga Matayi 17:5 ayi vana mvutu mu kiuvu kiaki:
Bue tulenda sokudila Yehova mu phila yoyi tunsoludila ayi basi dikanda dieto?
Tomba maluaku mo wulenda vutudila batu matondo
BATU BANKAKA BETA TUBA TI: “Dioso kuandi diambu thidi tuba, thubidi kuama, nio wummona ti dimbimbi didi, mantedi kuandi.”
Ngeyo phe buawu weta muena? Bila mbi?
MU BUKHUFI
Ziphova lulendo zikala. Diawu tufueti yindulanga mambu mo tuntuba vayi phe sobula thangu ayi phila yi kumatubila.
Phutukulu
Tanga ndambu ziphila zio tulenda sadilanga bumboti dikaba di tuba.
Ntindu mbi yi thubulu yo beki nzengolo yi manga?
Mbi bilenda kusadisa wuba ziphova zimboti ayi zi lukindusu?
TALA MAMBU MANKAKA
Malongi matatu malenda kusadisa muingi wuba mayindu mamboti.
Bue bulembolo tubilanga bikoli voti mabanga?
“Mpo na nini koboya koloba maloba ya mabe?” (Lisolo oyo ezali na Internet)
Malongi mu diambu di manga masolo mambimbi.
Bue Yehova kasadisila bakala dimosi kasungika phil’andi yi tubila.