Tuba mu kibakala

Diambu mbi Yesu kavanga

VIDEO: Yesu wuvana ndongi kuidi ntueni wumvuama

1. Tala VIDEO, voti tanga Malako 10:17-22. Ayi tadileno biuvu biabi bilandikini:

1. Bikadulu mbi bimboti Yesu kamona kuidi ntueni beni?

2. Bila mbi yitombila ti Yesu kamonisa luzolo ayi kibakala mu vana ntueni beni ndongi?

Dilongi mbi tubeki kuidi Yesu?

2. Tufueti tubila mu luzolo vayi mu nianguka koso kuidi balonguki beto muingi tubasadisa bayonzuka mu kipheve.

Sokudila Yesu

3. Sadisa nlonguki’aku kakitudila zikhanu ayi kazidukisa.

1. Sadila buangu “Lukanu luama” mu kadika dilongi di buku Zinga mu mayangi mvu ka mvu!

2. Sadisa longuki’aku kazaba mambu mo mantombana muingi kadukisa zikhanu zifioti ayi zinneni.

3. Niemisanga nlonguki’aku mu kadika thangu yo kamonisini khulama.

4. Zaba mambu mo mantula ti nlongiki’aku kabika yonzuka mu kipheve, ayi wunsadisa kanunga mambu beni.

1. Wukiyuvula:

   • ‘Enati longuki’ama kakadi yonzuka na tii kubaka mbotama, mbi bilembo nkakidila?’

   • ‘Lusadusu mbi lufueni ndilenda kumvana?’

2. Sambila muingi wuba kibakala mu solula yandi mu nianguka koso ayi mu luzolo muingi wumonisa nlonguki’aku mambu mo kafueti vanga.

5. Zenga ndongokolo ayi minlonguki mio mimengi kuandi yonzuka mu kipheve.

1. Wukiyuvula biuvu biabi muingi wuzaba keni nlonguki’aku wulembo monisa mim’butu mimboti:

   • ‘Nlonguki’ama weta sadila mambu mo keta longuka?’

   • ‘Weta kutakana mu zikhutukunu zi kimvuka ayi weta samuna kiedika kuidi batu bankaka?’

   • ‘Bu kame longuka mu mua ndambu bilumbu, weta monisa ti niandi tidi kuandi ba Mbangi yi Yehova?’

2. Enati nlonguki mengi kuandi kuenda kuntuala:

   • Wunkambi kayindula mambu momo nanga malembo nkakidila.

   • Mu thubulu yidiela, wunsudikisa bila kio me zengila ndongokolo ayi niandi.

   • Wunkambi mambu mo kafueti vanga muingi lueba bue vutukila ndongokolo mu bilumbu binkuiza.