Fikula maku sadisa wubambukila moyo mambu momo longukidi

Bulendakana, banga bawombo mu beto, weta mona phasi mu bambukila moyo mambu momo wunlonguka. Vayi, yikala ko phasi mu bambukila moyo mu mambu mawombo momo Yesu katulonga bila weba sadilanga bifuani. Wulenda mona bifuani beni mu mayindu maku, yawu yeta kusadisa wubibambukila moyo. Bobuawu phe, wulenda luta bambukanga moyo mu mambu momo wunlonguka mu vanganga zipfikula ziozi wulenda mona. Bue wulenda kubutudila? Mu fikulanga zipfikula mu thangu wulembo longuka.

Batu bobo beta fikula mambu mamona momo balembo longuka, beta luta kumabambukila moyo. Fikula zipfikula kubasadisanga ko kaka mu luta sudika bikuma, vayi phe kueta kubasadisa baluta sudika mambu mangudi momo balembo longuka. Yisi ntombana ko ti muna zipfikula beni ziba kaka zikitoko vayi mu diambu di zibasadisa basudika mambu momo banlonguka. Ayi kuidi na mambu momo mammonisa ti batu bobo bayonzuka balenda luta baka mamboti mu sadila madiela beni momo.

Bo wukuiza longuka, wulenda meka fikula mambu momo wunlonguka. Wulenda yituka mu mona phila yoyi wukuiza bambukila mambu beni moyo!