DILONGI 46
Bila mbi mutu kafueti kukivana kuidi Nzambi ayi baka mbotama?
Kukivana kuidi Yehova yinsundula kumvana tsila mu nzila yi lusambulu ti niandi kaka tufueti sadila mu luzingu lueto loso. (Minkunga 40:8) Ku manima, mu thangu tueta baka mbotama, tueta monisa va ntuala batu ti tukiveni kuidi Nzambi. Nzengolo yi kukivana kuidi Yehova yilutidi mfunu mu zinzengolo zioso. Mbi bilenda kutuma wubaka nzengolo yi phila yoyi?
1. Mbi bieta tuma mutu kakivana kuidi Nzambi?
Luzolo lueta tuma mutu kakivana kuidi Yehova. (1 Yowani 4:10, 19) Bibila kitubidi ti: “Zola mfumu Nzambi’aku mu ntim’aku wumvimba, mu muel’aku wumvimba, mu mayindu maku moso ayi mu zingolo ziaku zioso.” (Malako 12:30) Tueta monisa ti tueta zola Nzambi, bika kaka mu ziphova vayi ayi mu mavanga. Bobuawu luzolo lungolo lueta tumina bakala ayi nketo bakuelana, buawu phe luzolo lueto kuidi Yehova lueta tutuma tukivana kuidi niandi ayi tubaka mbotama.
2. Lusakumunu mbi Yehova keta vana kuidi Bambangi ziandi bo babaka mbotama?
Mbotama yela kukotisa mu dikanda di zikhini di Yehova. Mawu mona luzolo luandi kuidi ngeyo mu ziphila ziwombo ayi mayitula wuluta kumfikama. (Tanga Malaki 3:16-18.) Yehova maka ba Siaku ayi mawu ba mu khati dikanda di nza yimvimba didi bakhomba ba babakala ayi ba baketo bo beta zola Yehova ayi mabazola. (Tanga Malako 10:29, 30.) Banga phila tubumuena, kuidi ayi mambu tufueti keta vanga tuamina tubaka mbotama. Wufueti keta longuka zaba Yehova, kun’zola ayi ba minu mu muan’andi ayi vana luzingu luaku kuidi Yehova. Thangu wela mana dukisa mambu moso momo, wela baka mbotama ayi wela ba mu nzila yi baka luzingu lu mvu ka mvu. Mbembo Nzambi yitubidi ti: “Mbotama [. . .] yeta vukisa.”—1 Piela 3:21.
TUVISA MBOTI MBOTI
Tutala bila mbi kukivana kuidi Yehova ayi baka mbotama kuididi mfunu.
3. Betu boso tufueti sobula na tukuiza sadila
Mu thangu thama, bana ba Iseli bawombo beba banzilanga ti balenda kuawu sambila Yehova ayi bue sambila nzambi yi luvunu Bala. Diawu Yehova katumina m’bikuidi Eli mu diambu di ludika mabanza mawu. Tanaga 1 Mintinu 18:21 ayi vana mvutu mu kiuvu kiaki:
Nginu mbi bana ba Iseli basobula?
Banga bana ba Iseli, tufueti sobula nani tukuiza sadila. Tanga Luka 16:13 ayi vana mimvutu mu biuvu biabi:
Bila mbi katulendi sambidila ko Yehova ayi bo sambila mutu voti kima kinkaka?
Bue bummonisina Yehova ti tusobudi kunsambila?
4. Yindula mu buwombo luzolo lolo Yehova kadi kuidi ngeyo
Yehova wutuvana bikado biwombo bi kitoko. Buabu betu mbi tulenda kumvutudila? Tala VIDEO..
Mu ziphila mbi Yehova kamonisina ti weta kuzola? Tanga Minkunga 104:14, 15 ayi 1 Yowani 4:9, 10 ayi vana mimvutu mu biuvu biabi:
Nduka nduka bikado mbi bi Yehova weta luta zola?
Bue weta muena enati lembo yindudila bikado bio Yehova kavana?
Thangu mutu katuveni kado kioki tueta luta zola, bukiedika tueta mona khini kumvutudila matondo. Tanga 5 Mose 16:17 ayi vana mvutu mu kiuvu kiaki:
Thangu yindudi mambu moso mo Yehova kavangila, diambu mbi widi phuila yikumvana?
5. Kukivana kuidi Yehova kueta nata mamboti mawombo
Batu bawombo beta banzila ti zabakana, baka kisalu kimboti voti ba zimbongo ziwombo kueta nata makhini. Vayi madi makiedika? Tala VIDEO ayi vana mimvutu mu biuvu biabi bilandikini.
Buba ti Andrei weba zolanga bula ndimbu, bila mbi kabikila kisalu beni?
Wubaka nzengolo yivana luzingu luandi loso kuidi Yehova bikasia ti mu bula ndimbu. Nzengolo yo kabaka, yiba yimboti? Bila mbi?
Tuamina kaba mukristu, thumu Polo banlongisa nsiku wu bayuda kuidi nyisi mosi wuzabakana. Wukivana mu kisalu kimboti vayi wuyiza bika kiawu mu diambu di ka ba mukristu. Wunionga mu nzengolo yoyi kabaka? Tanga Filipi 3:8 ayi vana mimvutu mu biuvu biabi:
Bila mbi Polo kamuena mambu momo kavanga tuamina kaba mukristu banga “tsobo”?
Mamboti mbi kabaka?
Mu ngeyo, mambu mbi mafueti kunatina makhini: sadila Yehova voti vanga mambu mankaka mu luzingu luaku?
Mu thangu kayiza ba mukristu, bima bio Polo kabaka biluta biobi kazimbisa
BATU BANKAKA BETA TUBA TI: “Bila mbi fika kukivana kuidi Nzambi? Bulutidi mboti wuteka vanga mambu mawombo mu luzingu luaku.”
Mbi bifueti kuvana phuila yi kukivana kuidi Yehova?
MU BUKHUFI
Luzolo lueta tutuma tukivana kuidi Yehova ayi tubaka mbotama.
Phutukulu
Bila mbi Yehova fueni kuandi ti tun’zola ayi tunsadila mu ntim’eto woso?
Bue Yehova kela futila Bambangi ziandi bo babaka mbotama?
Mawu yangalala kukivana kuidi Yehova?
TALA MAMBU MANKAKA
Bila mbi nyimbidi mosi wunketo ayi mutu mosi weba bulanga ndimbu basobula kuawu vana luzingu luawu kuidi Yehova?
Mituna oyo bilenge batunaka—Nakosala nini na bomoi na ngai?—Kokanisa makambo eleká (6:54)
Bi bila binkaka biobi bilenda kututuma tukivana kuidi Nzambi.
“Mpo na nini osengeli komipesa na Yehova?” (Linɔ́ngi ya Mosɛnzɛli ya 15/01/2010)
Video mosi yi luimbu yilembo monisa zikhini ziozi batu bo beta kivana kuidi Yehova beta mona.
Mambu momo matula nketo mosi ka bue tadila mo malutidi mfunu mu luzingu luandi. (disolo di luzingu “Mu mimvu miwombo ndieba kukiyuvulanga bila mbi tuididi va mbata ntoto.”)
“Biblia ebongolaka bato” (Linɔ́ngi ya Mosɛnzɛli ya 01/11/2012)