Widi wukubama mu baka mbotama?

Mambu mawombo me longuka matadidi Yehova mu ndongokolo’aku. Mu kondo finda phaka, mambu mawombo me balula mu luzingu luaku mu diambu di wunyangidika. Vayi nanga wukhidi ayi mambu mo malembo kakidila mu diambu di wukivana kuidi Yehova ayi baka mbotama. Dilongi dia dilembo tubila mambu mawombo mo meba kakidilanga batu mu diambu di babika baka mbotama ayi disudikisidi bue bamanungina.

1. Wufueti keta zaba mambu moso madi mu Bibila mosi wubaka mbotama?

Mu diambu di wubaka mbotama wufueti baka “nzayilu yi kiedika.” (1 Timote 2:4) Yawu ko yintia tuba ti wufueti vutula mimvutu mioso miomi balenda kuyuvula mu diambu ditadidi Bibila. Ayi bakristu bo babaka mbotama tona thama beta tatamana longuka. (Kolosayi 1:9, 10) Vayi wufueti keta zaba ayi sudika malongi mangudi ma Bibila. Bakulutu ba kimvuka bela kusadisa wukitadila enati widi na nzayilu yifuana.

2. Mambu mbi wufueti keta dukisa tuamina wubaka mbotama?

Tuamina wubaka mbotama, wufueti ‘balula mavanga maku ayi vutuka.’ (Tanga Mavanga 3:19.) Yawu yin’zola sundula ti, lozidi mu ntim’aku woso masumu mo wuvanga ayi lomba Yehova kalemvukila. Yawu yinsundula ti lozidi mu kibakala kioso khadulu yoso yimbimbi ayi beki nzengolo yi zingila mu phila yoso yinyangidika Nzambi. Mu buela, fueti buelanga mioko mu bisalu bi kimvuka mu kutakananga mu zikhutukunu ayi samuna banga nsamuni nioni kakabeki ko mbotama.

3. Bila mbi kawulendi bikila ko nzila ti tsisi yivongisa?

Batu bankaka tsisi beta mona keni bedi koka ko dukisa tsila yoyi baveni Yehova. Bukiedika thangu zinkaka wela tula zinzimbala; kutu babakala ayi baketo bakuikama bo Bibila kitubidi batula zinzimbala. Vayi Yehova kakadi kulomba ti wuba wuduka. (Tanga Minkunga 103:13, 14.) Diambu dilutidi mfunu kuidi niandi vanga dio wulenda nunga vanga! Ayi wela kusadisa. Bibila kiveni tsila ti “kadi kima kilenda tuvambisa mu luzolo lolo Nzambi kadi kuidi beto.”—Tanga Loma 8:38, 39.

TUVISA MBOTI MBOTI

4. Longuka zaba Yehova bumboti

Tuamina wubaka mbotama, nzailu mbi fueti keta baka yitadidi Yehova? Wufueti teka kun’zaba bumboti mboti mu diambu di wun’zola ayi wunyangidika. Tala VIDEO mu diambu di wuzaba bue minlonguki mi Bibila mi nza yimvimba mi tudila. Ayi vana mvutu mu kiuvu kiaki kilandikini.

VIDEO: Makambo oyo ememaka na batisimo (3:56)

• Bue bakhomba bankaka ba babakala ayi ba baketo bakubimina mu diambu di baka mbotama?

Tanga Loma 12:2 ayi vana mimvutu mu biuvu biabi:

• Wukhidi memata mu mambu momo Bibila kieta longa? Voti weta kiyuvula keni Bambangi zi Yehova kiedika beta longa?

• Enati buawu buididi, mbi wulenda tula?

5. Nunga mambu momo malenda kukakidila

Thangu tueta baka nzengolo yikukivana kuidi Yehova ayi baka mbotama, tueta kuiza dengana mambu mawombo ma ziphasi. Mosi wumona fuani kimosi, tala VIDEO. Ayi vana mimvutu mu biuvu biabi.

VIDEO: Kolinga Yehova esalisaka biso tólonga mikakatano (5:22)

• Mambu mbi meba kakidilanga Narangarel muingi kanunga mu diambu di kasadila Yehova?

• Bue luzolo luandi kuidi Yehova lunsadisila kanunga mambu mo meba kunkakidilanga?

Tanga Zingana 29:25 ayi 2 Timote 1:7 ayi vana mvutu mu kiuvu kiaki:

• Mbi bieta tukindisa mosi tununga mambu momo malenda tukakidila?

6. Tudila Yehova ntima

Yehova wela kusadisa wuvanga mambu mo meta kunyangidika. Tala VIDEO ayi vana mimvutu mu biuvu biabi:

VIDEO: Yehova Nzambe akosalisa yo (2:50)

• Mambu mbi meba kakidilanga nlonguki Bibila muingi kabika baka mbotama?

• Mbi binsadisa kaluta tudila Yehova ntima?

Tanga Yesaya 41:10, 13 ayi vana mvutu mu kiuvu kiaki:

• Bila mbi fueti bela sikididi ti wela dukisa tsila yoyi wela tula mu thangu wela baka mbotama?

7. Yonzula phutudulu’aku matondo mu luzolo lu Yehova

Bobuawu wunluta yindudila luzolo lolo Yehova kadi kuidi ngeyo, buawu wela luta bela phutudulu matondo kuidi niandi ayi buawu wela luta bela phuila yikunsadila mvimba mvimba. Tanga Minkunga 40:5 ayi vana mvutu mu kiuvu kiaki:

• Nduka nduka lusakumunu mbi lu Yehova mawuluta yangalala?

M’bikudi Yelemia weba zolanga Yehova ayi mbembo’andi, ayi wuba na phutudulu matondo mawombo mu luzitu lolo kabaka mu nata dizina di Yehova. Wutuba ti: “Mbembo’aku yiphana makhini ayi mayangi, bila dizina diaku ndieta nata oo Yehova Nzambi.” (Yelemia 15:16) Vana mimvutu mu biuvu biabi:

• Bila mbi didi diambu di luzitu mu ba Mbangi yi Yehova?

• Tidi kuaku baka mbotama mu diambu di wuba Mbangi Yehova?

• A bue kuidi na diambu di kukakidila?

• Mu ngeyo mbi fueti tula mu diambu di wudukisa lukanu luaku lu baka mbotama?

MU BUKHUFI

Mu lusadusu lu Yehova wulenda nunga mambu momo makukakidila mosi wubaka mbotama.

Phutukulu

• Mambu mbi fueti keta zaba tuamina wubaka mbotama?

• Mambu mbi fueti keta balula mu luzingu luaku tuamina wubaka mbotama?

• Bila mbi ka wulendi bikila nzila ko ti tsisi yikakidila?

TALA MAMBU MANKAKA

Mbi bifueti kutuma wudukisa nzengolo’aku mosi wubaka mbotama?

“Okoki mpo na kozwa batisimo?” (Linɔ́ngi ya Mosɛnzɛli ya 03/2020)

Bue bunungina mambu mankaka malenda kukakidila wubika baka mbotama.

“Nini ezali kopekisa ngai nazwa batisimo?” (Linɔ́ngi ya Mosɛnzɛli ya 03/2019)

Tala phila yo bakala dimosi kanungina zinzomono mu diambu di kabaka mbotama.

‘Mpo na nini ozali kopusa batisimo?’ (1:10)

Mambu mo masadisa bakala dimosi kakikinina ti, kasi ba ko kadi bila kimosi kio kinkukadila mu diambu di kabaka mbotama.

Nabongi mpenza na yango? (7:21)