Vutukilanga mayindu mangudi

Wume teka mona phasi mu bambukila moyo mambu momo melonguka? Beto boso tueta kububela. Mbi bilenda kutusadisa? Vutukilanga mayindu mangudi.

Mu thangu wulembo longuka, vundanga fioti muingi wusonika mayindu mangudi. Tutala phila yoyi Polo kabutudila mu diambu di kasadisa batu bobo beba tanganga minkanda miandi babutudila: “Diambu dimfunu mu mambu tuyolukidi.” (Ebe. 8:1) Mu ziphova beni ziozi, Polo weba sadisanga batu bobo beba tanganga minkanda miandi balandakana phil’andi yitadila mambu ayi basudika phila yoyi kadika diyindu dingudi dieba belanga nguizani ayi ntu disolo.

Ngeyo phe kubikanga thangu, bulendakana kumi ki miniti kumanima ma ndongokolo’aku mu diambu di yindula mayindu mangudi mu mambu momo melonguka. Enati wukadi bue bambukila moyo mambu momo melonguka, fionguninanga mintu mi masolo mifioti voti tanganga zifrase zithonono zi kadika paragrafi. Enati diambu dimona melonguka, tomba kudisudikisa mu ziphova ziaku veka. Mu thangu wulembo vutukila mayindu mangudi, makuiza sadisa ko kaka wubika zimbakana mambu momo melonguka, vayi mawu sudika phe bumboti mboti phila yoyi mambu momo wunlonguka matadidi luzingu luaku.