Tuba mambu mo batu bansudika

1 Kolinto 14:9

MU BUKHUFI: Sadisa batu bo balembo wa basudika mboti malongi maku

PHILA YI KUBUTUDILA:

• Longuka mboti mboti disolo diaku. Sudika mboti disolo muingi wusudikisa diawu mu phila yo yi kembolo phasi ayi mu thubulu’aku veka.

• Sadila zifraze zikhufi ayi zio zikembolo phasi. Bulendaka yisi’andi mbimbi ko mu sadila zifraze zinila vayi thangu weka ntubila mabanza ma mfunu, wumatubila mu zifraze zikhufi ayi zio zikembolo phasi.

• Sudikisa bikuma bio bikembolo zabakana. Kadi sadila bikuma bio batu bo balembo wa ka basi zaba ko. Enati sadidi kuma kimosi kio kisi zabakana ko buwombo, voti tengi dizina di mutu nio basi tubila ko buwombo mu Bibila, ayi zimezire voti kikhulu ki thama, sudikisanga mambu beni mu phila yimboti.