Ba mutu wuntubanga kiedika mu mambu moso

Tueta zola ti bakundi betu batubanga kiedika. Yehova phe tidi ti bakundi bandi batubanga kiedika. Vayi didi diambu diphasi mu tubanga kiedika mu nza ya yime wala batu bantuba luvunu. Betu tubanga kiedika mu mambu moso, mamboti mbi tulenda baka?

1. Diambu mbi dimfunu dikututuma tutubanga kiedika?

Thangu tuidi batu bantubanga kiedika, matumonisa ti tueta zola Yehova ayi tueta kunkinzika. Tubika zimbakana ti Yehova zebi mamoso momo tueta yindula ayi momo tueta vanga. (Ebelewo 4:13) Thangu tusobudi ba batu bantubanga kiedika, Yehova weta mona ayi weta yangalala. Mbembo Nzambi yitubidi ti: “Yehova kayangalalanga ko mutu nioni weta tuba mayuya, vayi wukala nkundi wuluzolo wu batu basonga.”—Zingana 3:32.

2. Bue bubelanga batu bantubanga kiedika lumbu ka lumbu?

Yehova wukutulomba ti: “Tutubanga kiedika kuidi badieto.” (Zekalia 8:16, 17) Mbi yin’zola sundula? Thangu tulembo solula ayi bakhomba zieto ba dikanda, bakundi betu bakisalu voti banzo nkanda, bakhomba zieto bakristu ayi bamfumu, tuedi bavuna ko ayi tuedi bakamba ko mambu ma mayuya. Mutu nioni weta tuba kiedika kayibanga ko ayi kavunanga ko batu mu diela dimbimbi. (Tanga Zingana 24:28 ayi Efeso 4:28.) Ayi weta futa phaku kuidi Leta. (Loma 13:5-7) Mu bukhufi, ‘tueta zola ba khadulu yimboti mu mambu moso.’—Ebelewo 13:18.

3. Mutu nio wuntubanga kiedika mamboti mbi keta baka?

Betu zabakana ti tuidi batu bantubanga kiedika, batu bankaka maba tutudilanga ntima. Matu ba batu bam’buela mayangi mu dikanda dieto ayi bam’buela ndembama mu kimvuka. Kansasa kieto makiba kimboti. Betu ba batu bantubanga kiedika, tulenda “vana [. . .] malongi ma Nzambi’eto ayi mvulusi’etu luvalu,” ayi matuvana phuila kuidi batu bobo kabasambilanga ko mu diambu di biza nsambila yeto kithuadi.—Tito 2:10.

TUVISA MBOTI MBOTI

4. Tubanga kiedika kueta yangidika Yehova

Tanga Minkunga 44:21 ayi Malaki 3:16, ayi vana mimvutu mu biuvu biabi:

• Mu ngeyo, bila mbi didi diambu dikondo nduenga mu suekanga kiedika?

• Mu ngeyo, bue Yehova keta muena thangu tusobudi tuba kiedika kadiambu ko thangu zinkaka yilenda ba phasi mu kubutudila?

5. Tu ba batu bantubanga kiedika thangu zioso

VIDEO: Makambo oyo epesaka mpenza esengo—Lisosoli ya pɛto (2:32)

Tanga Ebelewo 13:18 ayi tubila phila wulenda bela mutu wuntubanga kiedika . . .

• kuidi bakhomba ziaku ba dikanda.

• ku kisalu voti mu nzo nkanda.

• mu mambu mankaka.

6. Tubanga kiedika kueta futa

Thangu zinkaka tulenda banzila ti tubanga kiedika kulenda tunatina mambu ma ziphasi. Vayi tubanga kiedika, diawu diambu dilutidi mfunu tufueti vanga. Tanga Minkunga 34:12-16 ayi vana mvutu mu kiuvu kiaki:

• Bue tubanga kiedika kume baludila luzingu luaku?

1. Bakala ayi nketo bo bantubasananga kiedika beta yonzula luzolo luawu

2. Sadi kintubanga kiedika beta kuntudila ntima kuidi mfumu’andi wu kisalu

3. Mutu nio wuntubanga kiedika bumutu bumboti kakala va ntuala bamfumu

MU BUKHUFI

Yehova katidi ti bakundi bandi batubanga kiedika mu mambu moso momo beta tuba ayi momo beta vanga.

Phutukulu

• Tubila ndambu mambu mo tulenda belanga batu bantubanga kiedika.

• Bila mbi tulenda tubila ti disi ko diambu dinduenga mu tuba ti tulenda sueka kiedika?

• Bila mbi fueti tubanga kiedika thangu zioso?

TALA MAMBU MANKAKA

Bue bambuta balenda longila bana bawu baba batu bantubanga kiedika?

Lobáká solo (1:44)

Mamboti mbi wulenda baka enati lembo dedikisa zitsila ziaku?

Tosá maloba na yo, mpe okozwa mapamboli (9:09)

Bi bila bio tufueti futilanga ziphaku buba ti bamfumu basadilanga ko zimbongo beni mu phila yimboti.

“Osengeli kofuta mpako?” (Linɔ́ngi ya Mosɛnzɛli ya 01/09/2011)

Tala diambu dio disadisa bakala dimosi nio wube bakilanga luzingu luandi mu phila yimbimbi muingi kanunga ku lubakila mu phila yimboti.

“Nayekolaki ete Yehova azali motema mawa mpe alimbisaka” (Linɔ́ngi ya Mosɛnzɛli ya 01/05/2015)